Author: નોબત સમાચાર
પાટીદાર સમાજની દીકરીનું સરઘસ કાઢનારા પોલીસ સામે પગલા ભરવા માંગ
અમરેલી ભાજપના ડખ્ખામાં
જામનગર તા. ૩: અમરેલી જિલ્લામાં લેટરકાંડમાં પાટીદાર સમાજની દીકરીનું પોલીસે સરઘસ કાઢતા સમાજમાં રોષ ભભૂકી ઉઠયો છે. પટેલ યુવા ગ્રુપ જામનગર દ્વારા પણ કલેકટર મારફત મુખ્યમંત્રીને આવેદનપત્ર પાઠવાયું હતું.
પટેલ યુવા ગ્રુપ-જામનગરના પ્રમુખ પાર્થ પટેલની આગેવાનીમાં આ આવેદન પત્રમાં રજૂઆત અને માંગણી કરવામાં આવી છે કે, અમરેલી ભાજપમાં અંદરો અંદરના ડખ્ખાના કારણે લેટરકાંડ થયું છે. જેમાં પાટીદાર સમાજની દીકરી જે કોમ્પ્યુટર ઓપરેટર તરીકે ફરજ બજાવે છે. તે પોતાના માલિકના કહેવા મુજબ ટાઈપીંગનુ કામ કરે છે. તેનો કોઈ બદઈરાદો નહી. આ બાબતની જાણ ભાજપના રાજકિય આગેવાનોને હોવા છતાં આ દીકરીને ખોટી રીતે સંડોવી દેવામાં આવી છે. અને રાત્રે ૧૨ વાગ્યે કાયદાની વિરૂદ્ધ જઈ પોલીસે ધરપકડ કરી હતી અને તેનું જાહેરમાં સરઘસ કાઢયુ હતું અને ભાજપ નેતાએ પોતાનો અહ્મ સંતોષયો છે. જયારે અનેક ગંભીર ગુન્હાના આરોપીઓે ખુલ્લેઆમ ફરી રહ્યા છે. ગુનેગારોને પકડવાના બદલે નિર્દોષ દીકરી ઉપર અત્યાચાર શા માટે ? કાયદાની જોગવાઈ મુજબ મહિલાની ધરપકડ રાત્રે થઈ શકે નહીં આરોપી મહિલા હોય તો તેના વિડીયો, ફોટા વાયરલ થઈ શકે નહીં. આ દીકરીનુ નામ ફરયાદમાંથી દૂર કરવામાં આવે, તેને નિર્દોષ જાહેર કરવામાં આવે અને સ્વમાનભેર જેલ મુકત કરવામાં આવે અને સરઘસ કાઢનારા જવાબદાર પોલીસ કર્મચારી વિરૂદ્ધ શિક્ષાત્મક પગલા લેવામાં આવે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
