Author: નોબત સમાચાર
દ્વારકાના યુવાને મૈત્રીકરારના નામે છેતરપિંડી આચરાયાની કરી ફરિયાદ
મૈત્રીકરાર કરનાર યુવતીએ મકાન માટે ધમકાવી નાખ્યોઃ
જામનગર તા.૩ : દ્વારકા શહેરમાં રહેતા એક યુવાનને મૈત્રીકરાર કરાવી આપવાનું કહી રાજકોટના બે શખ્સે છેતરપિંડી આચર્યાની પોલીસમાં ફરિયાદ નોંધાવાઈ છે. જ્યારે આ જ ફરિયાદીએ પોતાની સાથે મૈત્રીકરાર કરનાર યુવતી ઝઘડો કરીને ચાલ્યા ગયા પછી પોતાની બહેન સાથે આવી મકાન માંગી ધમકાવી ગયાની પણ ફરિયાદ નોંધાવી છે. પોલીસે બંને ફરિયાદ પરથી તપાસ આરંભી છે.
દેવભૂમિ દ્વારકા જિલ્લાના દ્વારકા શહેરમાં બિરલા પ્લોટ પાસે રહેતા અને બોટીંગનો વ્યવસાય કરતા કિરીટભાઈ ભીમજીભાઈ વેગડ નામના પ્રજાપતિ યુવાને રાજકોટમાં રહેતા ગીતાબેન નરસપ્પા ઐયર તથા જામનગરમાં રહેતી તેની બહેન સામે પોલીસમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ ગઈ તા.૩૦ના દિને જ્યારે કિરીટભાઈ પોતાના મોટાભાઈના ઘેર હતા ત્યારે ત્યાં આવી બંને મહિલાએ ઝઘડો કર્યા પછી મકાન નહીં આપો તો પોલીસમાં ફરિયાદ કરીશ તેવી ધમકી આપી હતી. અગાઉ કિરીટભાઈએ ગીતાબેન ઐયર સાથે મૈૈત્રીકરાર કર્યા હતા. તે પછી દોઢેક મહિના પહેલાં આ યુવતી ઝઘડો કરીને ચાલ્યા ગયા હતા.
તે ફરિયાદ ઉપરાંત કિરીટ ભાઈએ રાજકોટના દાઉદ સુલતાનશા મોગલ, જયેશ કારાભાઈ મેવાડા અને ગીતા ઐયર સામે બીજી ફરિયાદ પણ નોંધાવી છે. જેમાં તેઓએ જણાવ્યા મુજબ દાઉદ તથા જયેશે મૈત્રીકરાર કરાવી આપવાનંુ કહી કટકે કટકે રૂ.દોઢ લાખ મેળવ્યા પછી ગીતાબેન ઐયર સાથે મૈત્રીકરાર કરાવી આપ્યા હતા અને તે પછી ગીતાબેન ચાલ્યા ગયા હતા. પોલીસે આ ફરિયાદ વિશ્વાસઘાત તથા છેતરપિંડી આચરવા અંગે ત્રણેય સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
