Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
રાજયક કક્ષાનો મહોત્સવ અમદાવાદ સાબરમતી રિવરફ્રન્ટ પર અને
ખંભાળિયા તા. ૩: દેવભૂમિ દ્વારકા જિલ્લાના શિવરાજપુર બીચ પર તા. ૧૩ જાન્યુઆરીના આંતરરાષટ્રીય પતંગ મહોત્સવ યોજાશે. આંતરરાષ્ટ્રીય પતંગ મહોત્સવના સુચારૂ આયોજન અંગે જિલ્લા કલેકટર જી.ટી. પંડયાના અધ્યક્ષસ્થાને બેઠક યોજાઈ હતી. તદ્ઉપરાંત રાજયકક્ષાનો આંતરરાષ્ટ્રીય પતંગ મહોત્સવ સાબરમતી રિવર ફ્રન્ટ- અમદાવાદમાં યોજાશે.
દેવભૂમિ દ્વારકા જિલ્લામાં તા. ૧૩-૧-૨૦૨૫ના શિવરાજપુર બીચમાં આંતરરાષ્ટ્રીય પતંગ મહોત્સવનું આયોજન કરવામાં આવ્યું છે. આંતરરાષ્ટ્રીય પતંગ મહોત્સવના સુચારૂ આયોજન અંગે કોન્ફરન્સ હોલ, કલેકટર કચેરી, ખંભાળીયામાં જિલ્લા કલેકટર જી.ટી.પંડ્યાના અધ્યક્ષસ્થાને બેઠક યોજવામાં આવી હતી.
રાજ્ય સરકાર દ્વારા ગુજરાતને પ્રવાસન ક્ષેત્રે આગવું સ્થાન પ્રાપ્ત થાય તે માટે દર વર્ષની જેમ આ વર્ષે પણ સાબરમતી રિવર ફ્રન્ટમાં આંતરરાષ્ટ્રીય પતંગ મહોત્સવનું તા.૧૧-૧-૨૦૨૫ થી તા. ૧૪-૧-૨૦૨૫ દરમિયાન આયોજન કરવામાં આવ્યું છે. દેવભૂમિ દ્વારકા જિલ્લામાં તા. ૧૩-૧-૨૦૨૫ના શિવરાજપુર બીચમાં પતંગ મહોત્સવનું આયોજન થનાર છે.
બેઠકમાં કલેકટરે પતંગ મહોત્સવમાં પતંગબાજો માટે તમામ આગતા-સ્વાગતા તેમજ પતંગ ઉત્સવ દરમિયાનની તમામ આનુષાંગિક વ્યવસ્થાઓ અંગે વિગતો મેળવી જરૂરી સૂચનો કર્યા હતા. કાર્યક્રમને અનુરૂપ કાઇટીસ્ટો માટેના સ્ટોલ, સ્ટેજ તેમજ આનુષાંગિક અન્ય વ્યવસ્થા કરવા જરૂરી સૂચના આપવામાં આવી હતી. સમગ્ર કાર્યક્રમની રૂપરેખાની વિગતો મેળવવા સાથે સાંસ્કૃતિક કાર્યક્રમની પ્રસ્તૃતિ, ઉપરાંત ફાયર બ્રિગેડ, મોબાઇલ ટોયલેટની સુવિધા, પાર્કિંગ વ્યવસ્થા, મેડીકલ ટીમ, સહિતની બાબત સુનિશ્ચિત કરવા ખાસ સૂચના આપવામાં આવી હતી.
બેઠકમાં જિલ્લા વિકાસ અધિકારી એ.બી.પાંડોર, નિવાસી અધિક કલેકટર ભૂપેશ જોટાણીયા, જિલ્લા ગ્રામ વિકાસ એજન્સીના નિયામક એચ.એ.જોશી તેમજ સંબંધિત વિભાગના અધિકારીઓ ઉપસ્થિત રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial