Author: નોબત સમાચાર
કેલિફોર્નિયામાં ટેક ઓફ કરતી વખતે વિમાન ક્રેશ થતા બે ના મોતઃ ૧૮ ઘાયલ
ફર્નિચરના ગોડાઉન સાથે નાનું વિમાન ટકરાતા સર્જાઈ દુર્ઘટના
વોશિંગ્ટન તા. ૩: કેલિફોર્નિયામાં ટેક ઓફ કરતા જ ઈમારત સાથે નાનું વિમાન ટકરાતા ર ના મોત થયા છે, ૧૮ ઈજાગ્રસ્ત થયા છે.
તાજેતરમાં જ કઝાકિસ્તાન એરલાઈન્સનું વિમાન અને એના પછી દ. કોરિયામાં જેજુ એરલાઈન્સનું વિમાન દુર્ઘટનાગ્રસ્ત થતા મોટી જાનહાનિ થઈ હતી.
હજુ આ મામલો ભૂલાયો પણ નથી ત્યાં અમેરિકામાં વધુ એમ મોટી વિમાન દુર્ઘટના સર્જાઈ હોવાની જાણકારી સામે આવી રહી છે. માહિતી અનુસાર દક્ષિણ કેલિફોર્નિયામાં એક વિમાન ક્રેશ થવાની જાણકારી મળી રહી છે. સ્થાનિક મીડિયાએ કહ્યું કે આ એક નાનું વિમાન હતું જે ફર્નિચરના ગોડાઉન સાથે ટકરાઈ ગયું. જેના લીધે બે લોકો મૃત્યુ પામી ગયા જ્યારે ૧૮ લોકો ઈજાગ્રસ્ત થયા હતાં.
આ ઘટનાના વીડિયો પણ સામે આવ્યા છે જેમાં ઈમારતની છત પરથી ધૂમાડાના ગોટેગોટા ઊડતા દેખાઈ રહ્યા છે. આ વિમાન દુર્ઘટના લગભગ ર-૧પ વાગ્યે સર્જાઈ હતી. દુર્ટનાની જાણકારી મળતા જ ફાયરબ્રિગેડ અને ઈમરજન્સી રિસ્પોન્સ ટીમના સભ્યો ત્વરિત દોડી આવ્યા હતાં અને રેસ્ક્યુની શરૂઆત કરી હતી. દુર્ઘટના પછી ઘટનાસ્થળે આગ ફાટી નીકળી હતી જેના લીધે ગોડાઉનને પણ નુક્સાન થયું.
અહીં સિલાઈ મશીન, કાપડનો સ્ટોક મૂકી રાખવામાં આવ્યો હતો. પોલીસે જણાવ્યું કે ઈજાગ્રસ્તોને તાત્કાલિક ધોરણે નજીકની હોસ્પિટલમાં સારવાર અર્થે લઈ જવામાં આવ્યા હતાં. મળતી માહિતી અનુસાર ફ્લાઈટ ટ્રેકિંગ વેબસાઈટે દાવો કર્યો હતો કે આ વિમાન ફોર સીટર હતું અને ઊડાન ભર્યાની એક જ મિનિટ પછી તે ઈમારત સાથે ટકરાઈ ગયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
