Author: નોબત સમાચાર
બોરમાં પાણી ઘટી ગયું હોવાનું કહી લાકડાથી યુવાન પર કરાયો હુમલો
ખોળમીલના ઢાળીયા પાસે ચાર શખ્સ યુવક પર તૂટી પડ્યાઃ
જામનગર તા.૩ : જામનગરના ગુલાબનગરમાં રહેતા એક યુવાનને પાણીના બોર મામલે એક શખ્સે માર માર્યાે હતો. બેડેશ્વર નજીક રામનગરમાં એક યુવક પર ચાર શખ્સ તૂટી પડ્યા હતા. ત્રણેક મહિના પહેલાં એક વ્યક્તિને ઉદ્યોગનગરમાં બોલાવી એક કારખાનેદારે પૈસા બાબતે બોલાચાલી કરી ધમકી આપ્યાની ફરિયાદ કરાઈ છે.
જામનગરના ગુલાબનગર ૫ાસે ગરબી ચોકમાં રહેતા મનિષ આંબાભાઈ ખાણધર નામના યુવાનને બુધવારે વાઘેર જમાતખાના પાસે રહેતા જયેશ ગોપાલભાઈ ખાણધર નામના શખ્સે આંતરી લઈ લાકડાના કટકાથી હુમલો કર્યાે હતો. થોડા દિવસ પહેલાં મનિષે પોતાની જમીનમાં બોર કરાવ્યો હતો. તેના કારણે જયેશના બોરમાં પાણી ઘટી ગયું હોવાની શંકા પડતા હુમલો થયાનું પોલીસ ફરિયાદમાં જણાવાયું છે. પોલીસે બીએનએસ તથા જીપી એક્ટની કલમ હેઠળ ગુન્હો નોંધી તપાસ હાથ ધરી છે
જામનગરના બેડેશ્વર નજીક ખોળમીલના ઢાળીયા પાસે રામ નગરમાં ગઈકાલે જયપાલસિંહ રાજેન્દ્રસિંહ પરમાર નામના યુવાન પોતાના મામાના ઘરની બહાર બેઠા હતા ત્યારે ત્યાં આવેલા અપૂડી ઈસ્માઈલ શેખ, મનસુર સીદીક બાબરી, યાસીન સીદીક બાબરી અને એક અજાણ્યા શખ્સે તારા મામાનો દીકરો મહિપાલ ક્યા છે તેમ પૂછયા પછી જયપાલસિંહ ને ગાળો ભાંડી હતી. અપૂડીએ ફડાકા ઝીંક્યા હતા અને મનસુર સહિતના ત્રણ શખ્સે ઢીકાપાટુ વડે માર માર્યાે હતો. તેમજ જયપાલસિંહના મામાને જાનથી મારી નાખવાની ધમકી આપી હતી. જામનગરના દિગ્જામ સર્કલ નજીક પ્રગતી પાર્કમાં રહેતા આશિષ રંજનભાઈ શુકલ નામના યુવાનને ગઈ તા.ર૩ સપ્ટેમ્બરના દિને એમ.પી. શાહ ઉદ્યોગનગરમાં ધાનાણી ઈન્ડસ્ટ્રીઝ નામની પેઢી ચલાવતા મહેન્દ્ર ધાનાણીએ બોલાવ્યા પછી મીઠાના પાળા અને મશીનના કોન્ટ્રાક્ટના પૈસા બાબતે બોલાચાલી કરી ધક્કો મારીને પછાડી દીધા પછી ગાળો ભાંડી પતાવી દેવાની ધમકી આપ્યાની પોલીસમાં ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
