Author: નોબત સમાચાર
રંગમતી ડેમના દરવાજા બદલવા માટે પાણી છોડાતા રણમલતળાવમાં નવા નીરની આવક
વગર ચોમાસે લાખોટું છલોછલ ભરાઈ જશેઃ બોર-ડંકીધારકોનો ભૂગર્ભ સોર્સ વધશે
રંગમતી ડેમના દરવાજા ખોલવામાં આવતા છોડાયેલા પાણીના જથ્થામાંથી અમુક પાણીનો જથ્થો કેનાલ તરફ વાળવામાં આવ્યો હોવાથી ધીમી ગતિએ રણમલ તળાવમાં પાણીની આવક શરૂ થઈ છે. જામનગર તાલુકાના રંગમતી ડેમના દરવાજા બદલવાની કામગીરી કરવાની હોવાથી ડેમમાં રહેલ પાણીના જથ્થાનું લેવલ ઓછું કરવું પડે તેમ છે. આથી ડેમમાંથી પાણી છોડવાનો નિર્ણય લેવાયો હતો. ગઈકાલે ડેમના દરવાજા ખોલાયા હતાં અને પાણી નદીમાં વહેતુ કરવામાં આવ્યું હતું. બીજી તરફ આ પાણીમાંથી અમુક પાણીનો જથ્થો કેનાલ તરફ વાળવા માટે માંગણી કરી હતી. જેના અનુસંધાને કેનાલમાં પાણીની આવક પછી એ પાણીની આવક રણમલ તળાવમાં શરૂ થઈ છે, અને ગઈકાલ પછી આજે પણ પાણીની આવક ચાલુ રહેવા પામી છે. આમ વગર ચોમાસે ટૂંક સમયમાં જ શહેરની મધ્યમાં આવેલ તળાવ પાણીની લબાલબ ભરાયેલ જોવા મળશે. રંગમતી ડેમમાંથી કુલ પ૭ એમસીએફટી પાણી છોડવામાં આવનાર છે. આથી નિચાણવાળા વિસ્તારોને સાવચેત રહેવાની પણ સિંચાઈ વિભાગે ચેતવણી આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
