Author: નોબત સમાચાર
જામનગરની બોયઝ હોસ્ટેલમાં ત્રણ વિદ્યાર્ર્થીના કિંમતી મોબાઈલની ચોરી
શુક્રવારે સવારે તસ્કરોએ મચાવ્યો તરખાટઃ
જામનગર તા.૩૧ : જામનગરની નિલકમલ સોસાયટીમાં આવેલી એક બોયઝ હોસ્ટેલમાં શુક્રવારની સવારે ત્રણ વિદ્યાર્થીના મોબાઈલની ઉઠાંતરી થઈ ગયાની પોલીસમાં ફરિયાદ કરવામાં આવી છે.
જામનગરના ખોડીયાર કોલોની વિસ્તાર સામે આવેલી નીલકમલ સોસાયટીની શેરી નં.૬માં જય માતાજી હોસ્ટેલમાં રહી અભ્યાસ કરતા દેવભૂમિ દ્વારકા જિલ્લાના કલ્યાણપુર તાલુકાના સુર્યાવદર ગામના વતની અમિત અરવિંદભાઈ કણજારીયા નામના વિદ્યાર્થીએ શુક્રવારે સવારે સાત વાગ્યે પોતાનો વન પ્લસ કંપનીનો રૂ.૧૫,૦૦૦નો મોબાઇલ હોસ્ટેલમાં રાખ્યો હતો.
ત્યાંથી કોઈ શખ્સ આ મોબાઈલ ઉઠાવી ગયો છે. તે જ રીતે સૂર્યાવદર ગામના અને જયમાતાજી હોસ્ટેલમાં રહી અભ્યાસ કરતા મનીષ પરષોત્તમભાઈ કણજારીયા નામના યુવાનનો પણ વિવો કંપનીનો રૂ.૧૦૦૦૦ની કિંમત નો મોબાઇલ શુક્રવારે સવારે હોસ્ટેલમાંથી ચોરાઈ ગયો છે.
દેવભૂમિ દ્વારકા જિલ્લાના ભાણવડ તાલુકાના કંટોલિયા ગામના વતની અને હાલમાં જામનગરના ખોડીયાર કોલોની વિસ્તાર સામેની નીલકમલ સોસાયટીમાં જયમાતાજી હોસ્ટેલમાં રહી અભ્યાસ કરતા ભાવેશ રામાભાઈ કરંગીયા નામના વિદ્યાર્થીનો રીયલમી કંપનીનો રૂ.૫,૦૦૦ની કિંમત નો મોબાઇલ શુક્રવારની સવારે ચોરાઈ ગયો છે. ત્રણેય વ્યક્તિ એ સિટી સી ડિવિઝન પોલીસ સ્ટેશનમાં ફરિયાદ નોંધાવતા અજાણ્યા મોબાઈલ ચોર સામે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
