Author: નોબત સમાચાર
ખંભાળિયાના નાના આંબલા ગામના મહિલા સરપંચ તથા પતિને મળી ધમકી
નિકાહથી નારાજ અગિયાર સામે પોલીસમાં ફરિયાદઃ
જામનગર તા.૩૧ : ખંભાળિયાના નાના આંબલા ગામના મહિલા સરપંચે નિકાહ કર્યા પછી તેનાથી નારાજ આ મહિલાના પરિવારજનો તેણી તથા પતિને જ્યારે સામા મળે ત્યારે ગાળો ભાંડી ધમકી આપતા હોવાની પોલીસમાં ફરિયાદ કરવામાં આવી છે.
ખંભાળિયા તાલુકાના નાના આંબલા ગામમાં સરપંચ તરીકે સેવા આપતા સુગરાબેન ઈબ્રાહીમભાઈ ગજણે વાડીનાર પોલીસ મથકમાં ઈબ્રાહીમ કાસમ સંઘાર, હુસેન કાસમ, નુરમામદ કાસમ, ઓસમાણ કાસમ, અજીઝ કાસમ સંઘાર, અબ્બાસ કાસમ, ઉમર કાસમ, રઝાક કાસમ, રોશનબેન રઝાક, ફારૂક ઈબ્રાહીમ, યુનુસ ઈબ્રાહીમ ગજણ સામે ફરિયાદ નોંધાવી છે.
ફરિયાદમાં જણાવવામાં આવ્યા મુજબ સુગરાબેને કોડીનારમાં રહેતા આકીલ ઈબ્રાહીમ જુણેજા સાથે નિકાહ કર્યાે છે. તે નિકાહથી ઈબ્રાહીમ કાસમ સંઘાર સહિતના અગિયાર વ્યક્તિ નારાજ છે. તેનો ખાર રાખી સુગરાબેન કે તેમના પતિ આકીલ જ્યારે બહાર નીકળે ત્યારે ઉપરોક્ત વ્યક્તિઓમાંથી જે વ્યક્તિ સામે મળે તે વ્યક્તિઓ ગાળો ભાંડી જાનથી મારી નાખવાની ધમકી આપી રહ્યા છે.
ઉપરોક્ત ફરિયાદ પરથી પોલીસે એક મહિલા સહિત અગિયારેય સામે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
