Author: નોબત સમાચાર
સલાયા નગરપાલિકાનું ૪૫ લાખનું વીજબીલ બાકી હોય ત્રણ વીજ જોડાણ કટઃ અંધારપટ
આર્થિક સ્થિતિ કથળતા કર્મચારીઓને પગારમાં મુશ્કેલીઃ
સલાયા તા. ૧: દેવભૂમિ દ્વારકા જિલ્લાના સલાયા નગરપાલિકાના બાકી રૂપિયા ૪૫ લાખના વીજબીલ મુદ્ે ત્રણ વિજ કનેકશનો વિજતંત્રએ કટ કર્યા છે. જેમાં સ્ટ્રીટ લાઈટનું જોડાણ કપાઈ જતા રાત્રે ગામમાં અંધારપટની સ્થિતિ સર્જાઈ છે.
સલાયા નગરપાલિકા છેલ્લા ઘણાં વર્ષથી ખાડે છે. જેમાં કર્મચારીઓના પગાર કરવામાં પણ મુશ્કેલી પડી રહી છે. જેમાં હાલ પડયા ઉપર પાટા જેવી સ્થિતિ થવા પામી છે. વિજતંત્રનું ૪૫ લાખ જેટલું લાઈટ બિલ બાકી હોય તંત્ર દ્વારા નગર પાલિકાના ત્રણ લાઈટના કનેકશનો કાપી નાખ્યા છે. જેમાં નગર પાલિકા બિલ્ડિંગ, સ્ટ્રીટ લાઈટ અને કોમ્યુનિટી હોલનું લાઈટ કનેકશન કાપવામાં આવ્યું છે.
હાલ સલાયામાં સ્ટ્રીટ લાઈટનું કનેકશન કપાતા રાતે અંધારપટ થઈ ગયેલ છે. આમ નગર પાલિકાના આ આર્થિક ઘટને કઈ રીતે નિવારવી એ મુશ્કેલ બન્યું છે. વહેલાના સમયમાં ઓકટ્રોય વખતે થયેલ આવકના હિસાબે આવતી ગ્રાન્ટ બહુ ઓછી હોઈ તેમજ વેરાનું લેણું પણ બાકી હોય નગર પાલિકાના બે છેડા કયારેય ભેગા થયા નથી. હાલતો અંધારપટ છવાયેલ છે. આ પ્રશ્નનો કેવી રીતે નિરાકરણ આવે છે એ જોવું રહ્યું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
