Author: નોબત સમાચાર
બેડ ટોલનાકા તથા હાપા પાસેથી દારૂની બોટલ સાથે નગરના બે શખ્સ ઝડપાયા
જામજોધપુરમાં દેશી દારૂની હેરાફેરી પકડાઈઃ
જામનગર તા.૩૧ : જામનગરના બેડ ટોલનાકા પાસે એક મોટરમાંથી પોલીસે જામનગરના શખ્સને દારૂની અડધી બોટલ સાથે પકડી પાડ્યો છે. બોટલ તથા મોટર કબજે કરી લેવાયા છે. જામજોધપુરમાં બે મોટરમાં કરાતી દેશી દારૂની હેરાફેરી પકડી લઈ પોલીસે બંને વાહન ઝબ્બે લીધા છે.
જામનગર-ખંભાળિયા માર્ગ પર આવેલા બેડ ટોલનાકા પરથી શનિવારે રાત્રે સાડા ત્રણેક વાગ્યે પસાર થઈ રહેલી જીજે-૧૦-ડીજે ૭૩૮૬ નંબરની ટાટા કંપનીની હેરિયર મોટરને પેટ્રોલિંગમાં રહેલા સિક્કા પોલીસ સ્ટેશનના સ્ટાફે રોકાવી તેની તલાસી લેતા મોટરમાંથી ઇંગ્લિશ દારૂની અડધી ભરેલી બોટલ મળી આવી હતી બોટલ તથા રૂપિયા પાંચ લાખની મોટર કબજે કરી પોલીસે તેના ચાલક જામનગરના પંચવટી વિસ્તારમાં ગૌશાળા પાસે રહેતા કરણ નેકુરભાઈ લાંબા નામના શખ્સની ધરપકડ કરી ગુન્હો નોંધ્યો છે.
જામનગર-રાજકોટ રોડ પર આવેલા હાપા નજીકના એસ્સાર પેટ્રોલપંપ પાસેથી શનિવારે સાંજે પસાર થઈ રહેલા હાપાના જવાહરનગર ૧માં રહેતા પૂજા સોમા ગોહિલ નામના શખ્સને પોલીસે શકના આધારે રોકાવી તેની તલાસી લેતા તેની પાસેથી ઇંગ્લિશ દારૂની અડધી ભરેલી બોટલ મળી આવી હતી.
જામજોધપુર શહેરમાં ગાધેશ્વર ફાટક પાસેથી ગઈરાત્રે પસાર થતી જીજે-૧૦-એસી ૫૦૮૧ નંબરની એસેન્ટ મોટર તથા જીજે-રપ-એ ૮૬૧૮ નંબરની સ્કોર્પિયોને રોકાવી તલાશી લેતા આ બંને મોટરમાં દેશી દારૂની કરાતી હેરફેર મળી આવી છે. બંને મોટરમાંથી ૭૦૦ લીટર દેશી દારૂ સાંપડ્યો હતો. પોલીસે રૂપિયા સાડા છ લાખની બંને મોટર કબજે કરી છે. એક મોટરના ચાલક ભોજા લાખા હુણ નાસી ગયો છે. તેના સહિત બે શખ્સ સામે ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
