Advertisement
Author: નોબત સમાચાર

સુરજકરાડીમાં મકાનમાંથી અંગ્રેજી શરાબની ૭૦ બોટલ સાથે એક ઝબ્બે

બાઈકમાં ૧૦ બોટલ લઈ જતાં ૨ શખ્સની અટકાયતઃ

જામનગર તા.૩૧ : ઓખામંડળના સુરજકરાડીમાં એક મકાનમાંથી પોલીસે ઈંગ્લીશ દારૂની નાની મોટી ૭૦ બોટલ સાથે એકને પકડી લીધો છે. બીજાનું નામ ખૂલ્યું છે. જ્યારે ધરમપુર પાસેથી ુબલેટમાં દારૂની દસ બોટલ લઈને જતાં બે શખ્સ ઝડપાયા છે અને ત્રીજાનું નામ પોલીસને મળ્યું છે.

દેવભૂમિ દ્વારકા જિલ્લાના ઓખામંડળમાં આવેલા સુરજકરાડીમાં એક પડતર મકાન પાસે ઈંગ્લીશ દારૂનો જથ્થો હોવાની બાતમી પરથી મીઠાપુર પોલીસે પ્રતાપભા ભોજાભા માણેક નામના શખ્સના મકાનમાં દરોડો પાડ્યો હતો. તે મકાનમાંથી ઈંગ્લીશ દારૂની ૧૨ મોટી બોટલ અને ૫૮ ચપલા મળી આવ્યા હતા. તે જથ્થો તથા એક મોબાઈલ સાથે પ્રતાપભાની ધરપકડ કરાઈ છે. તેણે પોતાના સાગરિત જીગર સાગર પંડયાનું નામ આપ્યું છે.

ખંભાળિયા તાલુકાના ધરમપુર ગામ પાસે બાઈકમાં દારૂ લઈ જવાતો હોવાની બાતમી પરથી દ્વારકા એલસીબીનો સ્ટાફ વોચમાં ગોઠવાયો હતો.

તે દરમિયાન જીજે-૩૭-જી ૧૦૦૦ નંબરનું બુલેટ લઈ આહિર સિંહણ ગામનો રાહુલ હમીર ચાવડા, રાજેશ સવજી કણઝારીયા ઉર્ફે ધીરૂ નામના બે શખ્સ પસાર થતાં તેને રોકાવી તલાશી લેવાઈ હતી. બાઈકમાં ઈંગ્લીશ દારૂની ૧૦ બોટલ મળી આવી હતી. બંને શખ્સની પૂછપરછ કરાતા તેઓએ જામનગરના ભીખુ દેવા ગઢવી નામના શખ્સનું નામ આપ્યું છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh