Author: નોબત સમાચાર
જામનગરના ચાંદી બજાર તથા દિગ્વિજય પ્લોટમાંથી ક્રિકેટનો સટ્ટો રમતા બે ઝબ્બે
કુન્નડ ગામમાંથી પણ ક્રિકેટનો જુગાર રમતો શખ્સ પકડાયોઃ
જામનગર તા.૩૧ : જામનગરના ચાંદી બજાર વિસ્તાર તેમજ દિગ્વિજય પ્લોટમાં તથા જોડીયાના કુન્નડ ગામમાંથી પોલીસે ત્રણ શખ્સને આઈપીએલની ક્રિકેટ મેચ પર સટ્ટો રમતા પકડી પાડ્યા છે.
જામનગરના ચાંદી બજાર વિસ્તારમાં સર્કલ પાસે ઊભા રહી શનિવારે રાત્રે એક શખ્સ પોતાના મોબાઈલમાં ક્રિકેટનો સટ્ટો રમતો હોવાની બાતમી પરથી સીટી એ ડિવિઝનના સ્ટાફે પીઆઈ એન.એ. ચાવડાની સૂચનાથી દરોડો પાડ્યો હતો.
તે સ્થળેથી રણજીતસાગર રોડ પર વસંત વાટીકામાં શેરી નંબર પાંચમાં રહેતો સતીશ હરીશભાઈ મંગે નામનો શખ્સ મળી આવ્યો હતો. આ શખ્સ ત્યાં આવેલી એક દુકાનમાં મૂકવામાં આવેલા ટીવી પરથી પ્રસારિત થતી શનિવારની આઈપીએલની ક્રિકેટ મેચનો સ્કોર નિહાળી તેના પર સટ્ટો રમતો હતો. તેની પાસેથી રૂ. ૨૪૦૦ રોકડા તથા મોબાઇલ કબજે કરી પોલીસે જુગાર દાદાની કલમ હેઠળ ગુન્હો નોંધ્યો છે. તેણે પોતાની પાસેથી કપાત લેતા દિગ્વિજય પ્લોટ વાળા રાકેશનું નામ આપ્યું છે .
જામનગરના દિગ્વિજય પ્લોટ વિસ્તારની શેરી નંબર ૨૫ના ખૂણા પાસે શનિવારે રાત્રે પોતાના મોબાઈલમાં ક્રિકેટનો સટ્ટો રમતા જીગ્નેશ રસિકભાઈ નાખવા નામના શખ્સને પોલીસે પકડી પાડયો હતો. આ શખ્સ મોબાઈલમાં એક આઈડી પરથી શનિવારની ક્રિકેટ મેચ પર સટ્ટો રમતો હતો પોલીસે તેના કબજામાંથી રૂ. ૧૩૦૦ રોકડા તથા મોબાઇલ કબજે લીધા છે.
જોડીયા તાલુકાના કુન્નડ ગામમાં ગઈકાલે સાંજે કુન્નડ ગામનો ભગવાનસંગ ભાવસંગ પીંગળ નામનો શખ્સ ક્રિકેટનો સટ્ટો રમતો ઝડપાઈ ગયો છે. તેના કબજામાંથી રૂ.૨૫ હજાર રોકડા તથા એક મોબાઈલ કબજે કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
