Author: નોબત સમાચાર
ખંભાળિયામાંથી ઝડપાયેલા શખ્સના રિમાન્ડ પૂર્ણઃ ફરીથી કરાશે ધરપકડ
અધિકારીના બનાવટી બોર્ડ બનાવ્યા હતાઃ
જામનગર તા.૩૧ : ખંભાળિયામાંથી મળી આવેલા એક શખ્સે રાજ્યસેવક ન હોવા છતાં તેના બોર્ડ બનાવી મોટરમાં લગાડ્યા હતા. પોલીસે તેની ધરપકડ કરી પૂછપરછ કરતા ૪૮ લાખની છેતરપિંડી ખૂલી હતી. તે ગુન્હામાં રિમાન્ડ પૂર્ણ થયા પછી બીજા ગુન્હામાં આરોપીને પકડી લેવાયો હતો. તેના પણ રિમાન્ડ પૂર્ણ થયા છે. બાકીના ગુન્હામાં તેની ધરપકડ માટે પોલીસ તજવીજ કરી રહી છે.
ખંભાળિયામાંથી પોલીસે થોડા દિવસ પહેલાં રાજ્યસેવક ની નંબર પ્લેટ લગાડેલી મોટર પકડી પાડી હતી. તેમાંથી જીલ ભરતભાઈ પંચમતીયા નામનો શખ્સ મળી આવ્યો હતો. આ શખ્સ રાજ્યસેવક ન હોવા છતાં તેણે બનાવટી બોર્ડ લગાડ્યાનું ખૂલ્યું હતું.
આગળ વધેલી પોલીસ તપાસમાં પોલીસે કેટલાક બનાવટી લેટર, આઈકાર્ડ, નેમ પ્લેટ, મોટરમાં લગાવવાની નંબર પ્લેટ, બોર્ડ વગેરે કબજે કરી આરોપીની ત્રણ દિવસના રિમાન્ડ મેળવ્યા હતા. તે પૂર્ણ થતાં જામનગરની જેલમાં આરોપીને મોકલાયો હતો. તે પછી બીજા ગુન્હામાં તેની ધરપકડ કરી ત્રણ દિવસના રિમાન્ડ લેવાયા હતા.
આ આરોપીના સોમવારે રિમાન્ડ પૂર્ણ થતાં ફરીથી જેલ હવાલે કરવામાં આવ્યો છે. બાકીના કેસમાં તેની ફરીથી ધરપકડ માટે પોલીસ દ્વારા તજવીજ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
