જામનગરના ન્યુસ્કૂલ નજીકની કેનાલ ઉપર સ્લેબની કામગીરીઃ એક માસ માટે રસ્તો બંધ

Author: નોબત સમાચાર

જામનગરના ન્યુસ્કૂલ નજીકની કેનાલ ઉપર સ્લેબની કામગીરીઃ એક માસ માટે રસ્તો બંધ

કમિશનર દ્વારા જાહેરનામું પ્રસિદ્ધ કરાયું:

જામનગર તા. ૩૧: જામનગરમાં ન્યૂ સ્કૂલ નજીકની કેનાલ ઉપરના સ્લેબની કામગીરી કરવામાં આવનાર હોવાથી આ રસ્તો એક માસ માટે બંધ કરવામાં આવ્યો છે. જે અંગે કમિશનર દ્વારા જાહેરનામુ પ્રસિદ્ધ કરવામાં આવ્યું છે.

જામનગર મહાનગર પાલિકાના કમિશનર ડી.એન. મોદીને મળેલ સતાની રુએ જાહેર નોટીસ પ્રસિદ્ધ કરી છે કે, જામનગર મહાનગર પાલિકાની હદમાં રણમલ તળાવ ગેટ નં.૯ની સામેથી ન્યુસ્કૂલ તરફ જતા ફીડીંગ કેનાલ વાળા રસ્તા પર કેનાલનો સ્લેબ સેટલમેન્ટ થવાને કારણે રસ્તો સલામતીના ભાગરૂપે તેમજ અકસ્માત નિવારવાના હેતુથી જરૂરી રી-કન્સ્ટ્રકશન કરવા અર્થે તા. ૨૯-૦૩-૨૦૨૫થી તા. ૩૦-૦૪-૨૦૨૫ સુધીના સમયગાળા દરમ્યાન તમામ વાહન વ્યવહાર બંધ રાખવામાં આવશે. જે કોઈ વ્યક્તિ આ હુકમનો ભંગ કરશે તેની સામે નિયમ અનુસાર દંડની કાર્યવાહી કરવામાં આવશે.

રણમલ તળાવ મેઈન રોડ તથા ન્યુસ્કૂલ મેઈન રોડ પરથી આ રસ્તા પર ક્રોસિંગ કરતા તમામ વાહન વ્યવહાર બંધ રહેશે, જેની વૈકલ્પિક ટ્રાન્સપોર્ટ વ્યવસ્થા ભુજીયા કોઠાથી ખંભાળિયા ગેઇટ તથા જોલી બંગલા રોડ પર થી કરી શકાશે. તદ ઉપરાંત રોડની આજુબાજુના દિગ્વિજય પ્લોટ શેરી નં. ૧ થી ૧૦ના આંતરિક રસ્તાઓનો પણ વૈકલ્પિક માર્ગ તરીકે ઉપયોગ કરી શકાશે.

જો આપને આ પોસ્ટ ગમી હોય તો શેર કરો...