Author: નોબત સમાચાર
મોટરમાં કરાતી દારૂની હેરફેર ઝડપાઈ: અંગ્રેજી શરાબની ૬૦ બોટલો મળી આવી
એક આરોપી ઝબ્બેઃ સપ્લાયરનું નામ ખૂલ્યુંઃ
જામનગર તા. ૮ઃ લાલપુર તાલુકાના ગોવાણા ગામના પાટિયા પાસે ગઈરાત્રે મોટરમાં કરાતી દારૂની હેરફેર પોલીસે પકડી પાડી છે. રાત્રે બે વાગ્યે પસાર થયેલી એક મોટરમાંથી અંગ્રેજી શરાબની ૬૦ બોટલ ઝડપી લેવામાં આવી છે. તે જથ્થા સાથે મૂળ ગોવાણાનો એક શખ્સ ઝડપાયો છે. તેણે સપ્લાયરનું નામ પોલીસને આપ્યું છે.
લાલપુર તાલુકાના ગોવાણા ગામના પાટીયા પાસે મોટરમાં દારૂની હેરાફેરી થઈ રહી હોવાની બાતમી મળતા લાલપુર પોલીસ સ્ટેશનના સ્ટાફે ગઈરાત્રે ત્યાં વોચ ગોઠવી દીધી હતી.
તે દરમિયાન રાત્રે બે વાગ્યે પસાર થયેલી જીજે-૫-જેએલ ૩૬૬ નંબરની આઈ-૨૦ મોટરને શકના આધારે રોકવામાં આવી હતી. તે મોટરની તલાશી લેવાતા તેમાંથી ભારતીય બનાવટના અંગ્રેજી શરાબની ત્રણ જુદી જુદી બ્રાંડની ૬૦ બોટલ મળી આવી હતી. આ જથ્થા સાથે ખંભાળિયા શહેરમાં રેલવે સ્ટેશન પાછળ તુલસી પાર્કમાં રહેતા મૂળ ગોવાણા ગામના દેવુભાઈ ડાડુભાઈ ચાવડા નામના શખ્સની ધરપકડ કરાઈ છે.
અંદાજે રૃા.૩૦ હજારની કિંમતનો દારૃ, રૃા.ર લાખની મોટર પોલીસે કબજે કરી દેવુ ચાવડાની પૂછપરછ કરતા તેણે આ જથ્થો દેવભૂમિ દ્વારકા જિલ્લાના ભાણવડ તાલુકાના મોરઝર ગામના વિજય બગડા પાસેથી લીધો હોવાની કબૂલાત કરી છે. બંને સામે લાલપુર પોલીસ સ્ટેશનમાં ગુન્હો રજીસ્ટર કરાવાયો છે અને વિજયની શોધ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
