Author: નોબત સમાચાર
દેશી દારૃ વેચતા શખ્સોને પકડવા પોલીસના દરોડાઃ પીધેલા પણ પકડાયા
દારૃ વેચતી બે મહિલાના રહેણાંકમાં દરોડાઃ
જામનગર તા. ૮ઃ જામનગરમાં ગઈકાલે પોલીસે દેશી દારૃનો વ્યવસાય કરતા શખ્સો પર ધોંસ બોલાવી હતી. જ્યારે નશાની હાલતમાં ઝૂમતા શખ્સોને લોકઅપના દર્શન કરાવાયા હતા. દારૃ વેચતી બે મહિલાના રહેણાંકમાં દરોડા પડાયા હતા.
જામનગર શહેરમાં ગઈકાલે પોલીસે દેશી દારૃની બદી ડામવા માટે હાથ ધરેલી ડ્રાઈવ અંતર્ગત દિગ્વિજય પ્લોટ-૬૪ પાસેથી હિતેશ જેઠાભાઈ વસીયર નામના શખ્સને દેશી દારૃ સાથે પકડી પાડવામાં આવ્યો હતો. વિશ્રામવાડી પાસેથી પરેશ શંભુભાઈ ગોસ્વામી, સેન્ટ્રલ બેંક રોડ પરથી કાનજીભાઈ નાનજીભાઈ કણઝારીયા નામનો શખ્સ દારૃ સાથે અને નશાની હાલતમાં જતો હતો ત્યારે પકડી લેવાયો હતો. ભોઈવાડાના ઢાળીયા પાસેથી દિનેશ મગનભાઈ ચંદ્રપાલ, ધરારનગર-૧માંથી દીપક હંસરાજ ડાભી, અંબર ચોકડી પાસેથી દીપક કિશોર સોલંકી, બેડીમાંથી સલીમ હારૃનભાઈ, ધરારનગરમાંથી હેમુભા નવુભા જાડેજા દેશી દારૃ સાથે ઝડપાઈ ગયા હતા.
તે ઉપરાંત રણજીતસાગર રોડ પર ગોદળીયાવાસ પાસેથી રવિ કારાભાઈ છનીયારા નામનો શખ્સ નશાની હાલતમાં ઝૂમતો ઝડપાઈ ગયો હતો. દરબારગઢ પાસેથી સંજય ડાયાભાઈ ઢાપા, ધરાર નગર-૧માંથી દીપક હંસરાજ, સુભાષબ્રિજ નીચેથી નાનજી મંગાભાઈ ચિરોડીયા, વ્હોરાના હજીરા પાસેથી મુકેશ ઓઘડ રાઠોડ પણ પીધેલી હાલતમાં મળી આવ્યા હતા.
જુના રેલવે સ્ટેશન નજીક બાવરીવાસમાં દ્રૌપદી બંસી પરમાર નામના મહિલાના ઝૂંપડામાંથી પણ દેશી દારૃ કબજે કરાયો છે. જ્યારે નવાગામ ઘેડમાં હનુમાન ચોક પાસે ટીંબાફળીમાં સવિતાબેન મોહન મેરાણીના મકાનમાંથી પણ દારૃ ઝબ્બે લેવાયો છે. કાલાવડ તાલુકાના કાલમેઘડા ગામથી માખાકરોડ ગામ વચ્ચે ગઈકાલે સાંજે જીજે-૩-જેપી ૮૬૦૪ નંબરના બાઈકમાં નશાની હાલતમાં જઈ રહેલા રાજુ ભીખાભાઈ ઠુમ્મરને પકડી પાડવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
