Author: નોબત સમાચાર
ઉત્કૃષ્ટ સેવા બદલ જામનગર જિલ્લા પોલીસ વડાને કરવામાં આવ્યા સન્માનિત
દ્વારકા જિલ્લાના બે અધિકારીને પણ ડીજીપી કમેન્ડેશન ડીસ્કઃ
જામનગર તા. ૮ઃ રાજ્યના પોલીસતંત્રમાં ફરજ બજાવતા ૧૧૦ પોલીસ અધિકારી, કર્મચારીઓને તેમની ઉત્કૃષ્ટ સેવાઓ માટે ડીજીપી કમેન્ડેશન ડીસ્કથી સન્માનિત કરવાનો ગઈકાલે કાર્યક્રમ કરાઈમાં યોજાયો હતો. જેમાં રાજ્યના મુખ્ય પોલીસવડાએ જામનગરના જિલ્લા પોલીસવડાને સન્માનિત કર્યા હતા.
રાજ્યના પોલીસ વિભાગમાં વર્ષ ૨૦૨૨માં ઉત્કૃષ્ટ કામગીરી બજાવનાર અધિકારીઓને ડીજીપીના કમેન્ડેશન ડીસ્ક એવોર્ડ એનાયત કરવાનું નક્કી કરવામાં આવ્યું હતું. જેમાં રાજ્યના કુલ ૧૧૦ પોલીસ અધિકારી, કર્મચારીઓને ગાંધીનગર સ્થિત કરાઈમાં ગુજરાત પોલીસ એકેડેમીના વિદ્યાભવન ઓડીટોરીયમમાં પદક એનાયત કરવામાં આવ્યા છે.
જામનગર જિલ્લામાં એસપી પ્રેમસુખ ડેલુએ પોતાના ફરજ સમય દરમિયાન ઉત્કૃષ્ટ કામગીરી બજાવી છે. તેઓએ કુખ્યાત અસામાજિક તત્ત્વો, ગુંડાઓ તેમજ સરકારી અને ખાનગી જમીન પર બળજબરીથી કબજો કરનાર શખ્સો સામે લેન્ડ ગ્રેબિંગ તેમજ ગુજસીટોક અન્વયે ગુન્હાઓ દાખલ કરાવી નાગરિકોને કાયદાનું કવચ પૂરૃ પાડ્યું છે. તેઓને ડીજીપી કમેન્ડેશન ડીસ્ક ૨૦૨૨ માટે પસંદ કરવામાં આવ્યા પછી ગઈકાલે રાજ્યના મુખ્ય પોલીસવડા વિકાસ સહાયના હસ્તે સન્માનિત કરવામાં આવ્યા હતા.
દેવભૂમિ દ્વારકા જિલ્લામાં ડીવાયએસપી તરીકે ફરજ બજાવતા સમીર એચ. સારડા તેમજ દેવભૂમિ દ્વારકા એસઓજીમાં ઈન્ચાર્જ પીઆઈ તરીકે ફરજ બજાવતા પીએસઆઈ પી.સી. સીંગરખીયાને પણ તે એવોર્ડ એનાયત કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
