Author: નોબત સમાચાર
ખંભાળિયાના મોવાણ પાસે વાહનમાંથી રોકડની ઉઠાંતરી કરનાર સાત ઝડપાયા
ટોળકીએ ગુન્હામાં વાપરેલી રિક્ષા પણ કાઢી આપીઃ
જામનગર તા.૧પ : ખંભાળિયા-દ્વારકા રોડ પર મોવાણ ગામ પાસે એક વાહન ની સીટ પર રાખવામાં આવેલા રોકડ સહિતના થેલાની ઉઠાંતરી થઈ હતી. તે ગુન્હાની તપાસમાં પોલીસે સાત શખ્સની ધરપકડ કરી છે. આ ટોળકીએ ઉઠાંતરીની કબૂલાત આપી રૂા.૪૯ હજાર રોકડા તથા રિક્ષા કાઢી આપી છે.
ખંભાળિયા-દ્વારકા માર્ગ પર આવેલા મોવાણ ગામના પાટીયા પાસે એક પેટ્રોલપંપ નજીક થોડા દિવસ પહેલાં એક આસામીએ પોતાનું દૂધનું વાહન ઉભુ રાખ્યા પછી તે વાહનની સીટ પરથી કોઈ શખ્સ રૂા.૫૯ હજાર રોકડા તથા અન્ય કાગળો ભરેલા થેલાની ઉઠાંતરી કરી ગયો હતો. જેની પોલીસમાં ફરિયાદ કરાઈ હતી.
તેની તપાસ શરૂ કરાયા પછી પોલીસે જુદા જુદા સીસી ટીવી ફૂટેજ ચકાસ્યા હતા. જેમાં ઉપરોક્ત ઉઠાંતરીમાં સંડોવાયેલી ટોળકીના સગડ મળ્યા હતા. તે બાતમીના આધારે પોલીસે ખંભાળિયા નજીક એક હોટલ પાસેથી રાજેન્દ્ર રૂપસંગ ધાધલ, ગણેશ અશોક પરમાર, વિશાલ રણછોડ રાઠોડ, પરસોત્તમ રણછોડ પઢીયાર, ભારત સજન પરમાર, રવિ સુરજ ઠાકોર, દિલીપ કૈલાસ ડાભી નામના શખ્સોને દબોચ્યા હતા.
આ શખ્સોની તલાશી લેવાતા તેઓની પાસેથી રૂા.૪૯ હજાર રોકડા, ચાર મોબાઈલ મળ્યા હતા. પોલીસે પૂછપરછ કરતા આ શખ્સોએ ઉપરોક્ત ઉઠાંતરી કર્યાની કબૂલાત આપી ગુન્હામાં વાપરેલી રિક્ષા પણ કાઢી આપી છે. પોલીસે તમામ આરોપીની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
