Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
બોટલ સાથે કારખાનેદારની ધરપકડઃ
જામનગર તા.૧પ : જામનગરના લાલપુર બાયપાસ થી ખંભાળિયા બાયપાસ વચ્ચે આવેલા એપલ ગેઈટ-ર પાસેથી ટ્રાફિક શાખાની પેટ્રોલિંગ કરતી ટૂકડીએ એક બાઈકમાં ઈંગ્લીશ દારૂની ચાર બોટલ સાથે એક શખ્સને પકડી લીધો છે. આ શખ્સે બોટલ આપનારના ફોન નંબર આપ્યા છે. જ્યારે દરેડ પાસેથી એક શખ્સ દારૂની બોટલ સાથે ઝડપાયો છે.
જામનગરના લાલપુર બાયપાસથી ખંભાળિયા બાયપાસ વચ્ચે ગઈકાલે સાંજે ટ્રાફિક શાખાની ઈન્ટરસેપ્ટર કાર દ્વારા પેટ્રોલિંગ કરવામાં આવતું હતું. ત્યારે સાથે રહેલા પીએસઆઈ એ.એચ. ચોવટ તથા સ્ટાફે એપલ ગેઈટ-ર પાસે જીજે-૩-ડીસી ૪૬૨૩ નંબરના બાઈકને રોકાવ્યું હતું.
તે બાઈકના ચાલક રાજુ ખીમચંદ મખોડીયા નામના શખ્સની તલાશી લેવાતા તેની પાસેથી ઈંગ્લીશ દારૂની ચાર બોટલ મળી આવી હતી. ટ્રાફિક પોલીસે બોટલ તથા બાઈક કબજે કરી રાજુ ખીમચંદની અટકાયત કરી હતી. તેની સામે પંચકોશી બી ડિવિઝનમાં ગુન્હો નોંધાવાયો છે. આ શખ્સે બોટલ આપનાર શખ્સના મોબાઈલ નંબર પોલીસને આપ્યા છે.
જામનગર નજીકના દરેડ ગામ પાસેથી ગુરૂવારે સાંજે પસાર થઈ રહેલા પંચવટીમાં રહેતા બ્રાસપાટના વેપારી નયન જમનભાઈ ડોબરીયા નામના કારખાનેદારને પેટ્રોલિંગમાં રહેલા પોલીસ સ્ટાફે શકના આધારે રોકાવી ચેક કરતા આ શખ્સ પાસેથી ઇંગ્લિશ દારૂની એક બોટલ મળી આવી હતી. પોલીસે બોટલ કબજે કરી નયન સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial