Author: નોબત સમાચાર
અગાઉના મનદુખના કારણે યુવાનને માર મારી એરગનથી કરાયો હુમલો
લીમડા લાઈનમાં વૃદ્ધાને લમધાર્યાઃ
જામનગર તા.૧૫ : જામનગરના લીમડા લાઈનમાં એક એપાર્ટમેન્ટમાં રહેતા વૃદ્ધાને પાડોશીએ લમધારી નાખી ધમકી આપી હતી. આ વૃદ્ધાને એક મહિલાના જેઠાણી સાથે સારા સંબંધ હોવાનો મામલો વકર્યાે હતો. જ્યારે કાલાવડના નપાણીયા ખીજડિયા ગામમાં યુવાન પર ખરેડી ગામના શખ્સે અગાઉના મનદુખના કારણે હુમલો કરી એરગનથી ઈજા પહોંચાડ્યાની પોલીસમાં ફરિયાદ કરાઈ છે.
જામનગરના લીમડા લાઈન વિસ્તારમાં આવેલા રજપૂત પરાની શેરી નં.૨માં રાજરત્ન એપાર્ટમેન્ટમાં રહેતા પુષ્પાબેન ઇન્દ્રવદનભાઈ ચુડાસમા નામના વૃદ્ધાએ સીટી બી ડિવિઝન પોલીસ સ્ટેશનમાં તે જ એપાર્ટમેન્ટમાં રહેતા જયેન્દ્રસિંહ કેર અને ભારતીબા જયેન્દ્રસિંહ કેર સામે ફરિયાદ નોંધાવી છે.
ફરિયાદમાં તેણીએ જણાવ્યા મુજબ જયેન્દ્રસિંહ કેરના ભાભી સાથે પુષ્પાબેનને સારો સંબંધ હોવાથી જયેન્દ્રસિંહ અને ભારતીબેન ઉશ્કેરાયેલા હતા. આ બાબતનો ખાર રાખી ગુરૂવારે બપોરે આ વ્યક્તિઓએ પુષ્પાબેનને ગાળો ભાંડી ઢીકા પાટુથી માર મારી જાનથી મારી નાખવાની ધમકી આપી હતી. જમાદાર સોયબ મકવાએ ગુન્હો નોંધી આરોપીઓની ધરપકડ માટે તજવીજ કરી છે.
કાલાવડ તાલુકાના નપાણીયા ખીજડિયા ગામના મુકેશ વાલજીભાઈ પરમાર અને કૌટુંબિક ભાઈ ભરતભાઈ નાનજીભાઈ પરમાર સાથે ગઈ કાલે ખરેડી ગામના વસરામ માણંદભાઈ બથવારનું કામ હોવાથી તેના ખેતરે ગયા હતા. જ્યાં બે મહિના પહેલાં થયેલી બોલાચાલીનો ખાર રાખી વસરામે ફડાકા ઝીંકી જાનથી મારી નાખવાની ધમકી આપવા ઉપરાંત પોતાની પાસે રહેલા એરગન જેવા હથિયારથી હુમલો કરી જમણા પડખામાં ગંભીર ઈજા પહોંચાડી હતી. કાલાવડ ગ્રામ્ય પોલીસ મથકમાં મુકેશભાઈએ ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
