Author: નોબત સમાચાર
હોળીની રાત્રે યોજાયેલા જમણવારમાં જવા મુદ્દે યુવાનની થઈ હત્યાઃ છ સામે ગુન્હો
સામા પક્ષે પણ મૃતક સહિત ત્રણ સામે હુમલાની નોંધાવી વળતી ફરિયાદઃ
જામનગર તા.૧૫ : જામનગરના મોરકંડા ગામની ધાર પાસે હોળીની રાત્રે રબારીના બે જૂથ વચ્ચે એક પ્રસંગમાં જમવા આવવાની બાબતે ડખ્ખો થયા પછી એક જૂથના છ શખ્સે હુમલો કરી એક યુવાનની હત્યા નિપજાવી હતી. સામા પક્ષે પણ મૃત્યુ પામનાર યુવાન સહિત ત્રણ સામે હુમલાની વળતી ફરિયાદ નોંધાવી છે.
જામનગરના ઠેબા બાયપાસ પાસે આવેલા મોરકંડા ધાર નજીક યુનો પેટ્રોલ પંપની પાછળ રહેતા અરજણભાઈ સુધાભાઈ હુણ તથા તેમના ભાઈ મના ઉર્ફે મુન્ના અને દેવરાજ હુણ હોળીની રાત્રે પોતાના ઘરે હતા ત્યારે અંદાજે સાડા અગિયારેેક વાગ્યે ત્યાં જ રહેતા મુકેશ ભુરાભાઈ હુણ અને દેવરાજ નાથા હુણ, દેવા ભુરા હુણ, ભરત ભુરા હુણ, ભુરા લખમણ હુણ, વેજા કાના હુણ નામના છ શખ્સ ધોકા, લાકડી સાથે ધસી આવ્યા હતા.
હોળીની રાત્રે બે અલગ અલગ સ્થળે જમવાનો કાર્યક્રમ હતો તે કાર્યક્રમમાંથી એક કાર્યક્રમમાં અરજણભાઈ સહિતના ત્રણેય ભાઈ જમવા માટે ગયા હતા અને મુકેશ ભુરાભાઈને ત્યાં યોજાયેલા કાર્યક્રમમાં ગયા ન હતા. આ બાબતનો ખાર રાખી તે કાર્યક્રમમાં મળી ગયેલા મુકેશ ભુરાભાઈએ બોલાચાલી કર્યા પછી મનાને ગાળો ભાંડી એક ફડાકો ઝીંકી લીધો હતો ત્યાર પછી ઉપરોક્ત છ શખ્સો અરજણભાઈના ઘેર ધસી આવ્યા હતા. તેઓએ ઘરમાં ઘૂસી ત્યાં પડેલો લાકડાનો એક કટકો ઉપાડી મના ઉર્ફે મુન્ના હુણના માથામાં ઝીંકી દીધો હતો. લાકડાના ફટકાથી ગંભીર ઈજા પામેલા આ યુવાન ત્યાં ઢળી પડ્યા હતા. તે પછી લાકડીઓ વડે મુકેશ ભૂરા હુણ સહિતના છ શખ્સો તૂટી પડ્યા હતા. તેઓએ આડેધડ ફટકા મારવાનું શરૂ કર્યું હતું. આ જોઈ દેવરાજ દોડી આવ્યો હતો અને તેણે પોતાના ભાઈને બચાવવાનો પ્રયાસ કર્યો હતો. માર માર્યા પછી આ શખ્સો નાસી ગયા હતા. ગંભીર ઈજા પામેલા મુન્ના ઉર્ફે મનાને તથા દેવરાજને ૧૦૮ મારફતે જીજી હોસ્પિટલમાં ખસેડવામાં આવ્યા હતા જ્યાં મનાભાઈનું મૃત્યુ નીપજતા અરજણભાઈએ પોલીસમાં ફરિયાદ નોંધાવી છે.
આ ફરિયાદની સામે મુકેશ ભુરાભાઈ હુણે ગઈકાલે પંચકોશી બી ડિવિઝન પોલીસ સ્ટેશનમાં વળતી ફરિયાદ નોંધાવી છે. જેમાં તેણે જણાવ્યા મુજબ હોળીની રાત્રે તેના ઘરે જમણવાર હતો ત્યારે મના ઉર્ફે મુન્ના સુધાભાઈ હુણના પત્ની કવિબેનને ઘરે આવવા માટે બોલાવવા મુકેશે ત્યાં ઝઘડી રહેલા મુન્ના તથા તેના પત્ની કવિબેનની વચ્ચે પડતા મુન્નો પોતાના ઘરે ચાલ્યો ગયો હતો તે પછી સમાધાન માટે મુકેશ તથા તેના ભાઈઓ જતા તેમના પર દેવા સુધા હુણ, મના ઉર્ફે મુન્ના હુણ, અરજણ સુધાએ લાકડીથી હુમલો કરી માર માર્યાે હતો. પોલીસે આ ફરિયાદ પણ રજીસ્ટરે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
