Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
તરસાઈ પાસે મોટરે ટક્કર મારતા દંપતી ઘવાયું:
જામનગર તા.૧૫ : કાલાવડના જીવાપર ગામ પાસે ગઈકાલે સવારે એક ટ્રકની કેબીન પર બેસેલા ત્રણ વ્યક્તિને ઉપરથી પસાર થતી જીવંત વીજલાઈન અડકી જતાં એક યુવાનનું મૃત્યુ નિપજ્યું છે અને બેને શોર્ટ લાગ્યો છે. જામજોધપુરના તરફ પાસે એક મોટરે બાઈક પર જતાં દંપતીને હડફેટે લેતાં બંનેને ઈજા થઈ છે.
કાલાવડના દેવરાજ ધના ભાઈ રાઠોડ ગઈકાલે સવારે પોતાના જીજે-૧૦-ટીવાય ૭૭૦૧ નંબરના ટ્રકમાં કાલાવડ તરફથી જતા હતા ત્યારે તેઓએ ટ્રકની કેબીન પર પેસેન્જર બેસાડ્યા હતા. તેના કારણે કોઈ અકસ્માત થઈ શકે છે તેમ જાણવા છતાં કેબીન પર કુંભનાથપરાના ઈસ્માઈલ જુમાભાઈ સોરા, વિકાસ ઉર્ફે વિકેશ સાગરભાઈ અજનાર, હુસેન સુમરાને બેસાડાયા હતા.
તે ટ્રક જ્યારે જીવાપર રોડ પર ગૌશાળા નજીક પહોંચ્યો ત્યારે ઉપરથી પસાર થતી જીવંત વીજલાઈન કેબીન પર બેસેલા વિકાસ ઉર્ફે વિકેશને અડકી જતાં જોરદાર વીજ આંચકો લાગવાથી આ યુવાનનું મૃત્યુ નિપજ્યું છે. જ્યારે ઈસ્માઈલભાઈ, હુસેનને પણ શોર્ટ લાગ્યો છે. કાલાવડ શહેર પોલીસ સ્ટેશનમાં ઈસ્માઈલ ભાઈએ ટ્રકચાલક દેવરાજ સામે ફરિયાદ નોંધાવી છે.
પોરબંદર જિલ્લાના કુતિયાણા તાલુકામાં આવેલા વાંધારાનેસમાં રહેતા રામભાઈ કિશાભાઇ ગુરગટીયા તથા તેમના પત્ની માલીબેન બુધવારે સવારે દસેક વાગ્યે જામજોધપુર તાલુકાના તરસાઈ ગામથી હનુમાનગઢ તરફ જવાના રસ્તા પરથી મોટરસાયકલ પર બિલેશ્વર ગામથી વાંધારાનેસ તરફ જઈ રહૃાા હતા.
ત્યારે એક અજાણી મોટર પુરપાટ ઝડપે ધસી આવી હતી. આ મોટરના ચાલકે બેફિકરાઈ પૂર્વક ડ્રાઇવિંગ કરી મોટર સાયકલને હડફેટે લેતા પતિ, પત્ની ફંગોળાઈ ગયા હતા. રોડ પર પછડાયેલા રામભાઈને પગમાં તથા શરીરના અન્ય ભાગોમાં ગંભીર ઈજા પહોંચી છે. જ્યારે માલીબેનને પણ ઈજા થઈ છે. અકસ્માત સર્જી નાસી છૂટેલા મોટરચાલક સામે માલી બેને જામજોધપુર પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial