જામનગરમાં સમાન્ય પ્રજા સાથે મહાનુભાવોએ પણ કરી હોળી

Author: નોબત સમાચાર

જામનગરમાં સમાન્ય પ્રજા સાથે મહાનુભાવોએ પણ કરી હોળી - ધૂળેટી પર્વની ઉમંગભેર ઉજવણી

ધારાસભ્ય તથા પૂર્વમંત્રી દ્વારા વૃદ્ધાશ્રમમાં વડીલો સંગે મનાવાયો રંગોત્સવ

જામનગરમાં હોળી અને ધૂળેટીનાં પર્વની ઉજવણીમાં જનતા ઉપરાંત સત્તાધીશો અને મહાનુભાવો પણ મગ્ન થયા હતા. શાક માર્કેટ વિસ્તારમાં યોજાયેલ ભોઇ સમાજની ૨૫ ફૂટની વિરાટકાય હોળીનાં દહનને નિહાળવા મેયર વિનોદભાઈ ખીમસૂર્યા, ધારાસભ્ય દિવ્યેશ અકબરી તથા રીવાબા જાડેજા, સ્ટેન્ડીંગ કમિટી ચેરમેન નિલેશભાઇ કગથરા, શહેર ભાજપ પ્રમુખ બીનાબેન કોઠારી, પૂર્વ શહેર ભાજપ પ્રમુખ ડો.વિમલભાઇ કગથરા સહિતનાં સત્તાધીશો તથા સ્થાનિક કોર્પોરેટરો સહિતનાં આગેવાનો પહોંચ્યા હતાં. ધૂળેટી પર્વ પર જામનગર દક્ષિણનાં ધારાસભ્ય દિવ્યેશભાઈ અકબરી દ્વારા લીમડાલાઇન વિસ્તારમાં આવેલ શ્રી આણદાબાવા સેવા સંસ્થાનાં વૃદ્ધાશ્રમ તથા અનાથાશ્રમમાં રંગોત્સવ મનાવવામાં આવ્યો હતો. અહીં આશ્રિત એક બાળકનો જન્મદિન હોવાથી ધારાસભ્યએ કેક પણ મંગાવી હતી. પૂર્વમંત્રી ધર્મેન્દ્રસિંહ જાડેજા (હકુભા) દ્વારા પરંપરાગત રીતે પરીવારસહ એમ.પી.શાહ વૃદ્ધાશ્રમમાં આશ્રિત વડીલો સાથે ધૂળેટી પર્વ ઉજવવામાં આવ્યું હતું.મહાનુભાવો દ્વારા વૃદ્ધાશ્રમ તથા અનાથાશ્રમમાં વિશેષ નાસ્તા- ભોજનની વ્યવસ્થા કરી જીવનનાં આરંભમાં પરીવાર વગરનું પડકારજનક જીવન જીવતા બાળકો - તરૂૂણો તથા જીવનનાં ઉતરાર્ધમાં એકલાવાયુ જીવન જીવતા વડીલોનાં જીવનમાં સ્નેહ અને હૂંફનાં 'રંગ' પૂરવામાં આવ્યા હતાં. જામનગર શહેરના અનેક વિસ્તારોમાં બાળકો-મોટાઓ ધૂળેટીના પર્વે રંગાયા હતાં. શહેરના ડીકેવી સર્કલ, વિરલબાગ, જોગર્સ પાર્ક, વિકાસગૃહ રોડ સહિતના વિસ્તારોમાં લોકોએ રંગપર્વ મનાવ્યું હતું. (તસ્વીર : નિર્મલ કારીયા)

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

Author: નોબત સમાચાર

જામનગરમાં સમાન્ય પ્રજા સાથે મહાનુભાવોએ પણ કરી હોળી - ધૂળેટી પર્વની ઉમંગભેર ઉજવણી

અન્ય સમાચારો

MARKET

હવામાન

શબ્દવ્યુહ

MARKET

હવામાન