Author: નોબત સમાચાર
રૂા.૪૯ લાખના સાયબર ફ્રોડમાં ફ્રીઝ થયેલી રકમના હુકમ સામે રીવીઝન મંજૂર
રકમ છૂટી કરવાનો નીચેની કોર્ટે કર્યાે હતો હુકમઃ
જામગનર તા.૧પ : જામનગરના એક આસામી સાથે થયેલા રૂા.૪૯ લાખના ફ્રોડના કેસમાં સાયબર ક્રાઈમ પોલીસે ફ્રીઝ કરેલી રૂા.૧૬ લાખ ઉપરાંતની રકમ છૂટી કરવા અદાલતે કરેલા આદેશ અન્વયે એક પેઢીએ તેની સામે જિલ્લા અદાલતમાં રીવીઝન કરી હતી. તે અરજી મંજૂર રાખવામાં આવી છે.
જામનગરના રોહિત મગન લાલ શાહ નામના આસામી સાથે ગઈ તા.ર૩-૧-૨૪ના દિને સાયબર ફ્રોડ આચરવામાં આવ્યું હતું. આ આસામીના ખાનગી બેંકમાં આવેલા ખાતામાંથી રૂા.૪૯ લાખ ઉપડી ગયા હતા. જેની સાયબર ક્રાઈમ પોર્ટલ પર ફરિયાદ કરવામાં આવી હતી.
સાયબર ક્રાઈમ સેલે શરૂ કરેલી તપાસમાં આરબીએલ તથા આઈડીએફસી બેંક ખાતામાં ગયેલી રૂા.૧૬ ૨૫૪૨૮ની રકમ ફ્રીઝ કરાવાઈ હતી. તે રકમ પરત મેળવવા રોહિત શાહે જામનગરની કોર્ટમાં અરજી કરી હતી. અદાલતે ફ્રીઝ થયેલી રકમ આપવા હુકમ કર્યાે હતો.
તે હુકમ અન્વયે એસબીઆઈ બેંકે તેના ખાતા ધારક શિવમ જવેલ્સ પ્રા.લિ.ને તે રકમ ચૂકવવાની જાણ કરી હતી. તેથી શિવમ જવેલ્સ દ્વારા જિલ્લા અદાલતમાં રીવીઝન દાખલ કરાઈ હતી. અદાલતે તે અરજી મંજૂર રાખી છે. શિવમ જવેલ્સ તરફથી વકીલ દીપન શંખેસરા, વીનિત શેઠ, કેવલ શેઠ, વિજય નકુમ રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
