Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
વોર્ડ નં. ૭ ની તમામ ચાર બેઠકની ચૂંટણી મુલતવીઃ
જામનગર તા. ૧૪: જામનગર જિલ્લાના ધ્રોળ નગરપાલિકાના વોર્ડ નં. ૭ ના કોંગ્રેસ ઉમેદવારનું ગઈકાલે ઢળતી બપોરે અચાનક નિધન થયું હતું. આથી આ વોર્ડની ચૂંટણી હાલ પૂરતી મુલતવી રાખવામાં આવનાર છે.
જામનગર જિલ્લાની ત્રણ નગરપાલિકાની સામાન્ય ચૂંટણી માટેનો કાર્યક્રમ જાહેર થયો હતો, જેમાં ધ્રોળ-કાલાવડ અને જામજોધપુર નગરપાલિકાની સામાન્ય ચૂંટણીઓ માટે આગામી તારીખ ૧૬ મી ના મતદાન થનાર છે. આ ત્રણે નગરપાલિકાઓમાં ઉમેદવારો દ્વારા પ્રચાર કરવામાં આવી રહ્યો છે. દરમિયાન ધ્રોળ નગરપાલિકાની ચૂંટણી લડી રહેલા કોંગ્રેસના ઉમેદવાર દશરથસિંહ જામસંગ જાડેજા (ઉ.વ. પ૪) નું ગઈકાલે નિધન થયું હતું.
ધ્રોળ નગરપાલિકાના વોર્ડ નંબર ૭ ના કોંગ્રેસના ઉમેદવાર દશરથસિંહ જાડેજા ગઈકાલે ચારેક વાગ્યાની આસપાસ ધ્રોળમાં હોસ્પિટલ નજીકના વિતારમાં હતાં ત્યારે તેઓને ચક્કર આવ્યા હતાં અને છાતીમાં દુઃખાવો શરૂ થયો હતો. આથી તુરંત તેઓને ધ્રોળની જ સરકારી હોસ્પિટલમાં લઈ જવામાં આવ્યા હતાં, પરંતુ તેઓની સારવાર કારગત નિવડી ન હતી અને તેઓનું નિધન થયું હતું. બનાવની જાણ થતા જ સ્થાનિક આગેવાનો અને તેમના સગા-સંબંધી દોડી ગયા હતાં.
મળતી માહિતી મુજબ સરકારના નિયમ અનુસાર વોર્ડ નંબર ૭ ની તમામ ચાર બેઠકોની ચૂંટણી હાલ પૂરતી રાખવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial