જામનગરમાં છત્રપતિ શિવાજી મહારાજ જયંંતીની ઉજવણીઃ તારીખ ૧૯ ફેબ્રુઆરીએ શોભાયાત્રા

Author: નોબત સમાચાર

જામનગરમાં છત્રપતિ શિવાજી મહારાજ જયંંતીની ઉજવણીઃ તારીખ ૧૯ ફેબ્રુઆરીએ શોભાયાત્રા

શ્રી ગણેશ મરાઠા મંડળ, ચાંદી બજાર દ્વારા

જામનગર તા. ૧૪: જામનગર શહેરમાં ગત વર્ષ ની જેમ આ વખતે પણ શ્રી ગણેશ મરાઠા મંડળ - ચાંદી બજાર દ્વારા છત્રપતિ શિવાજી મહારાજની જન્મ જયંતીની ઉજવણીનું આયોજન કરવામાં આવ્યું છે, અને ૧૯ મી ફેબ્રુઆરી ૨૦૨૫ને બુધવારનાં સવારે ૭ વાગ્યે મહાકાળી મંદિર, પસાયા થી જામનગર સુધી મશાલ યાત્રાનું આયોજન કરાયું છે. તેમજ સાંજે પ વાગ્યે ચાંદી બજાર વિસ્તારમાંથી શોભાયાત્રા યોજાશે. જેમાં છત્રપતિ શિવાજી મહારાજની પ્રતિમા સાથેનો ફ્લોટ્સ તૈયાર કરાશે, તેમજ શિવાજી મહારાજની વેશભૂષા ધારણ કરીને શુશોભીત ઘોડા પર નગર ભ્રમણ કરાવાશે. જામનગરમાં ચાંદી બજાર વિસ્તારમાં છેલ્લા ૩૯ વર્ષથી ગણેશ મહોત્સવનું આયોજન કરતા શ્રી ગણેશ મરાઠા મંડળ દ્વારા આ વખતે સતત ત્રીજી વખત છત્રપતિ શિવાજી મહારાજની જન્મ જયંતીની વિશેષ રૂપે ઉજવણી કરવામાં આવશે.

શોભાયાત્રા ચાંદી બજારથી પ્રારંભ થઈ સેન્ટ્રલ બેન્ક રોડ, હવાઈ ચોક, ભાટની આંબલી, પંચેશ્વર ટાવર, બેડી ગેઇટ, રણજીત રોડ થઈ ફરી ચાંદી બજારમાં પરિપૂર્ણ થશે. જેમાં સર્વે નગરજનોએ ઉપસ્થિત રહેવા શ્રી ગણેશ મરાઠા મંડળ દ્વારા નિમંત્રણ પાઠવાયું છે.

જો આપને આ પોસ્ટ ગમી હોય તો શેર કરો...