Advertisement
Author: નોબત સમાચાર

બોગસ ડ્રાફ્ટ વટાવી લેવાના ગુન્હામાં નગરના બે આરોપીનો કરાયો છૂટકારો

૩૦ વર્ષ પહેલાં નોંધાવાઈ હતી ફોજદારીઃ

જામનગર તા.૧૪ : જામનગરમાં ૩૦ વર્ષ પહેલાં એક બેંકમાં બોગસ ડ્રાફટ વટાવી લેવા અંગે ગુન્હો નોંધાયો હતો. જેમાં ૧૦ સામે આક્ષેપ કરાયો હતો. આ ગુન્હાના એક આરોપી સામે બેંકમાં ખાતું ખોલાવ્યાનો અને બીજા આરોપી સામે ઓળખાણ આપ્યાનો આક્ષેપ હતો. તે કેસમાં બંને આરોપીનો અદાલતે છૂટકારો ફરમાવ્યો છે.

ઉત્તરપ્રદેશના મુરસન શહેર સ્થિત સ્ટેટ બેંક ઓફ ઈન્ડિયાની શાખાના જુદા જુદા ડિમાન્ડ ડ્રાફ્ટ વટાવવા માટે વર્ષ ૧૯૯૫માં જામનગર શહેરની આ બેંકની શાખામાં રજૂ થયા હતા. તે માટે જુદા જુદા નામના એકાઉન્ટ ખોલાવી નાખવામાં આવ્યા હતા અને તે મારફતે રકમ ઉપડી હતી.

તે પછી બેંક દ્વારા કરાયેલા ક્રોસ વેરિફિકેશનમાં આ ડિમાન્ડ ડ્રાફટ્સ નકલી હોવાનું જણાઈ આવતા જે તે વખતે વિપુલ કાંતિલાલ મહેતા, ઈન્દુલાલ બાબુભાઈ ખવાસ સહિત દસ સામે પોલીસમાં ફરિયાદ કરવામાં આવી હતી. તે કેસ ચાલવા પર આવતા બેંક તરફથી દસ્તાવેજો રજૂ થયા હતા. આ કેસમાં વિપુલ કાંતિલાલ મહેતા સામે ખાતું ખોલાવ્યાનો અને ઈન્દુલાલ ખવાસ સામે ઓળખાણ આપવાનો આક્ષેપ હતો.

તે કેસ અન્વયે બંને પક્ષ દ્વારા રજૂ થયેલી દલીલો સાંભળ્યા પછી અદાલતે બંને આરોપીનો છૂટકારો ફરમાવ્યો છે. આરોપી તરફથી વકીલ અશ્વિન મકવાણા, નેહા દેસાઈ રોકાયા હતા.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh