Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
લગ્ન પ્રસંગમાં પરિવાર બહારગામ ગયો'ને તસ્કર ફાવ્યાઃ
જામનગર તા.૧૪ : જામનગરના દિગ્જામ વુલન મીલ રોડ પર યાદવનગરમાં આવેલા એક મકાનમાં દસેક દિવસ પહેલાં ચોરી થઈ છે. તે મકાનમાં રહેતો પરિવાર લગ્ન પ્રસંગમાં એક દિવસ માટે બહારગામ ગયા પછી મુખ્ય દરવાજાનું તાળુ તોડી અંદરથી રોકડ તેમજ સોના-ચાંદીના દાગીના મળી રૂ.પપ હજારની મત્તા ચોરી કરી લેવાઈ છે.
જામનગરના બેડીબંદર રીંગ રોડ પર આવેલા યાદવ નગરમાં વસવાટ કરતા અરશી ભાઈ ડાડુભાઈ ડેર નામના આસામી ગઈ તા.૨ની સવારે પોતાના પરિવારજનો સાથે એક લગ્ન પ્રસંગમાં ભાગ લેવા માટે બહારગામ ગયા પછી તા.૩ની બપોરે પરત આવ્યા હતા.
તે સમય દરમિયાન તેમના ઘરમાં મુખ્ય દરવાજાનું તાળું તોડી કોઈ અજાણ્યો શખ્સ ઘૂસી ગયો હતો. આ શખ્સે અંદર રાખવામાં આવેલા કબાટનંુ લોક તોડી નાખી તેમાં રહેલી તિજોરી માંથી રૂપિયા બારેક હજાર રોકડા તથા સોનાની ત્રણ ગ્રામ ની વીટી, સોનાના બે પેંડલ, ચાંદીના સાંકળા મળી કુલ રૂ.૫૫,૪૧૩ની મત્તા ચોરી કરી લીધી હતી.
ઉપરોક્ત ચોરીની જાણ થતાં અરશીભાઈએ સિટી સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે અજાણ્યા શખ્સ સામે ગુન્હો નોંધી તપાસ હાથ ધરી છે અને તે વિસ્તારના સીસીટીવી કેમેરાના ફૂટેજ ચકાસ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial