મુંબઈ હુમલાના અપરાધી તહવ્વુર રાણાના ભારતને પ્રત્યાર્પણ પર ટ્રમ્પની મહોર

Author: નોબત સમાચાર

મુંબઈ હુમલાના અપરાધી તહવ્વુર રાણાના ભારતને પ્રત્યાર્પણ પર ટ્રમ્પની મહોર

પાકિસ્તાની મૂળના આ કેનેડિયન ઉદ્યોગપતિની ભૂંડી ભૂમિકા

વોશીંગ્ટન તા. ૧૪: મુંબઈ હુમલાના દોષી તહવ્વુર રાણાના પ્રત્યાર્પણને મંજૂરી મળી ગઈ છે. ટ્રમ્પે પીએમ મોદીની હાજરીમાં આ જાહેરાત કરી હતી. તે પહેલા યુએસ સુપ્રીમ કોર્ટે તહવ્વુર રાણાના ભારત પ્રત્યાર્પણને મંજૂરી આપી હતી. કોર્ટે આ કેસમાં તેમની સજા સામેની તેમની સમીક્ષા અરજી ફગાવી દીધી હતી.

અમેરિકાના રાષ્ટ્રપતિ ડોનાલ્ડ ટ્રમ્પે ૨૬/૧૧ મુંબઈ આતંકવાદી હુમલાના દોષી તહવ્વુર રાણાના ભારત પ્રત્યાર્પણને મંજૂરી આપી દીધી છે. તેમણે કહૃાું કે તેમને ન્યાયનો સામનો કરવો પડશે. ગયા મહિને, યુએસ સુપ્રીમ કોર્ટે તહવ્વુર રાણાના ભારત પ્રત્યાર્પણને મંજૂરી આપી હતી. કોર્ટે આ કેસમાં તેમની સજા સામેની તેમની સમીક્ષા અરજી ફગાવી દીધી હતી. પાકિસ્તાની મૂળના કેનેડિયન ઉદ્યોગપતિ તહવ્વુર રાણા પર ભારતમાં ૨૦૦૮ના મુંબઈ આતંકવાદી હુમલામાં મુખ્ય ભૂમિકા ભજવવાનો આરોપ હતો અને તેને દોષિત ઠેરવવામાં આવ્યો છે.

ભારતે યુએસ એજન્સી સાથે વિગતો શેર કરી હતી, જે નીચલી અદાલતો અને સુપ્રીમ કોર્ટ સમક્ષ મૂકવામાં આવી હતી. કોર્ટે ભારતના આ પુરાવાનો સ્વીકાર કર્યો. ભારત દ્વારા આપવામાં આવેલા દસ્તાવેજમાં ૨૬/૧૧ના હુમલામાં તહવ્વુરની ભૂંડી ભૂમિકાનો ઉલ્લેખ કરવામાં આવ્યો હતો. ભારત તહવ્વુર રાણાના પ્રત્યાર્પણની માંગ કરી રહૃાું હતું કારણ કે તે ૨૦૦૮ના મુંબઈ આતંકવાદી હુમલા કેસમાં વોન્ટેડ હતો.

અગાઉ, તેઓ સાન ફ્રાન્સિસ્કોમાં યુએસ કોર્ટ ઓફ અપીલ્સ ફોર ધ નોર્ધન સર્કિટ સહિત અનેક ફેડરલ કોર્ટમાં કાનૂની લડાઈ હારી ગયા હતા. મુંબઈ પોલીસે ૨૬/૧૧ના આતંકવાદી હુમલાના સંદર્ભમાં તહવ્વુર રાણાનું નામ તેની ચાર્જશીટમાં સામેલ કર્યું હતું. તેના પર પાકિસ્તાનની ગુપ્તચર એજન્સી ઇન્ટર-સર્વિસિસ ઇન્ટેલિજન્સ અને આતંકવાદી સંગઠન લશ્કર-એ-તૈયબાના સક્રિય સભ્ય તરીકે કામ કરવાનો આરોપ છે. ચાર્જશીટમાં, રાણા પર ૨૬/૧૧ આતંકવાદી હુમલાના માસ્ટરમાઇન્ડ ડેવિડ કોલમેન હેડલીને મદદ કરવાનો આરોપ મૂકવામાં આવ્યો હતો.

તહવ્વુર રાણાએ જ મુંબઈમાં જ્યાં હુમલા થવાના હતા તે સ્થળોની રેકી કરી હતી અને એક બ્લુપ્રિન્ટ તૈયાર કરીને પાકિસ્તાની આતંકવાદીઓને સોંપી દીધી હતી. તહવ્વુર રાણા ડેવિડ કોલમેન હેડલી ઉર્ફે દાઉદ સઈદ ગિલાનીનો બાળપણનો મિત્ર છે. હેડલી અમેરિકન નાગરિક છે. તેની માતા અમેરિકન હતી અને ટીપા પાકિસ્તાની હતી. ઓક્ટોબર ૨૦૦૯ માં, અમેરિકન અધિકારીઓએ તેમને શિકાગોથી ધરપકડ કરી. ૨૪ જાન્યુઆરી, ૨૦૧૩ ના રોજ, હેડલીને મુંબઈ હુમલામાં સંડોવણી બદલ દોષિત ઠેરવવામાં આવ્યો અને યુએસ કોર્ટે તેને ૩૫ વર્ષની જેલની સજા ફટકારી હતી.

તહવ્વુર રાણાએ પાકિસ્તાનની હસન અબ્દાલ કેડેટ સ્કૂલમાં અભ્યાસ કર્યો હતો, જ્યાં હેડલીએ પણ અમેરિકા જતા પહેલા પાંચ વર્ષ અભ્યાસ કર્યો હતો. પાકિસ્તાની સેનામાં ડોક્ટર તરીકે કામ કર્યા પછી, તહવ્વુર રાણા કેનેડા શિફ્ટ થયા અને થોડા વર્ષો પછી તેમને કેનેડિયન નાગરિકતા પણ મળી. તેમણે શિકાગોમાં ફર્સ્ટ વર્લ્ડ ઇમિગ્રેશન સર્વિસીસ નામની કન્સલ્ટન્સી ફર્મ શરૂ કરી. રાણાની કંપનીની મુંબઈમાં પણ એક શાખા હતી, જેણે હેડલી કોલમેન હેડલીને મુંબઈના તે સ્થળોની રેકી કરવામાં મદદ કરી હતી જેને ૨૬ નવેમ્બર, ૨૦૦૮ ના રોજ પાકિસ્તાની આતંકવાદી સંગઠન લશ્કર-એ-તૈયબાના આતંકવાદીઓ દ્વારા નિશાન બનાવવામાં આવ્યા હતા.

ઉલ્લેખનિય છે કે, ૨૬ નવેમ્બર, ૨૦૦૮ના લશ્કરના ૧૦ આતંકવાદીઓ, મોટી માત્રામાં દારૂગોળો અને શસ્ત્રો લઈને, સમુદ્ર માર્ગે મુંબઈમાં પ્રવેશ્યા હતા. તેણે મુંબઈમાં ૯ સ્થળોએ હત્યાકાંડ કર્યા. આતંકવાદીઓ દ્વારા નિશાન બનાવવામાં આવેલા આઠ સ્થળો દક્ષિણ મુંબઈમાં હતા - છત્રપતિ શિવાજી મહારાજ ટર્મિનસ, ઓબેરોય ટ્રાઇડેન્ટ હોટેલ, તાજ હોટેલ, લિયોપોલ્ડ કાફે, કામા હોસ્પિટલ, નરીમાન હાઉસ, મેટ્રો સિનેમા અને ટાઇમ્સ ઓફ ઇન્ડિયા બિલ્ડિંગ અને સેન્ટ ઝેવિયર્સ કોલેજ પાછળની ગલી. મુંબઈના બંદર વિસ્તાર માઝગાંવ અને વિલે પાર્લેમાં એક ટેક્સીમાં પણ વિસ્ફોટ થયો હતો.

જો આપને આ પોસ્ટ ગમી હોય તો શેર કરો...