Author: નોબત સમાચાર
ગુજરાતમાં એસ.ટી. બસના ભાડામાં ત્રણ ટકાનો વધારો કરાયો
આજથી સરકારી બસ મુસાફરી મોંઘી
જામનગર તા. ૧: ગુજરાત રાજ્ય માર્ગ વાહન વ્યવહાર નિગમ (એસ.ટી.) દ્વારા આજથી મુસાફરી ભાડામાં ત્રણ ટકાનો વધારો કરવામાં આવ્યો છે.
ગત રાત્રે ૧૨ વાગ્યા પછી આ નવા ભાડાના દરો અમલમાં મુકવામાં આવ્યા છે. આ નવા ભાડા ઉપરાંત જે તે સર્વિસોમાં લાગુ થતા જીએસટી, ટોલ ટેક્ષ અન્ય ચાર્જ અલગથી વસુલવામાં આવશે. નોન એસ સ્લિપર સર્વિસમાં બર્થ (સોફા)નું માટે ભાડા ઉપરાંત રૂ।. ૯૫ની વસુલાત થશે. શહેર શહેરી પોઈન્ટમાં રૂ।. ૨ વધારાના વસુલવામાં આવશે. અગાઉથી ટિકિટ બુક કરાવનારા મુસાફર પાસેથી મુસાફરી દરમ્યાન તફાવતની રકમ વસુલવાની રહેશે. વિદ્યાર્થી પાસ છે એડવાન્સ મેળવનારને પાસની મુદત પૂર્ણ થયે નવા દર મુજબ વસુલાત કરવાની રહેશે.
લોકલ બસમાં ૫૧ કિ.મી. સુધીના ભાડામાં ૧ રૂપિયાનો અને ૧૦૨ કિ.મી. સુધીમાં બે રૂપિયાનો, ૧૫૦ કિ.મી.માં ત્રણ રૂપિયાનો વધારો થયો છે. તેવી જ રીતે એકસપ્રેસ, ગુર્જર નગરી અને નોન એસી સ્લિપર/ સીટર અને લકઝરી કોચના ભાડામાં પણ વધારો થયો છે.
જેમાં ૬ કિ.મી. સુધી એકસપ્રેસમાં ૧ રૂપિયા, ગુર્જર નગરીમાં ૧ રૂપિયો અને નોન એસીમાં એક રૂપિયો તેવી જ રીતે ૬૦ કિ.મી.ની મુસાફરીમાં ત્રણેય કેટેગરીમાં બે રૂપિયા, ૧૧૧ કિ.મી.માં અનુક્રમે ત્રણ, ચાર અને પાંચ રૂપિયા ૨૦૪ કિમીની માટે અનુક્રમે પાંચ, ૬ અને ૭ નો વધારો કરાયો છે. એકંદરે વર્તમાન ભાડામાં ત્રણ ટકાનો વધારો આજથી લાગુ કરી દેવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
