જામનગરના આસામીને વોશીંગ મશીનની વ્યાજ સાથે કિંમત ચૂકવવા ફોરમનો આદેશ

Author: નોબત સમાચાર

જામનગરના આસામીને વોશીંગ મશીનની વ્યાજ સાથે કિંમત ચૂકવવા ફોરમનો આદેશ

સેમસંગ કંપનીનું ખરીદવામાં આવ્યું હતું મશીનઃ

જામનગર તા. ૧: જામનગરના એક આસામીએ સેમસંગ કંપનીના ખરીદેલા વોશીંગ મશીનમાં ડીફેક્ટ નીકળતા અને રીપેરીંગ પછી પણ યોગ્ય રીતે મશીન કામ ન કરતા ગ્રાહક ફોરમમાં ફરિયાદ નોંધાવી મશીનની કિંમત પરત માંગી હતી. તે રકમ વ્યાજ સાથે ચૂકવી આપવા ફોરમે હુકમ કર્યાે છે.

જામનગરના ખોડિયાર કોલોની વિસ્તારમાં આવેલા ક્રિસ્ટલ મોલ સ્થિત રિલાયન્સ રીટેઈલમાંથી મિતુલ પટેલ નામના આસામીએ ઓગસ્ટ ૨૦૨૪માં દસ કિલોની કેપેસીટીનું સેમસંગ કંપનીનું વોશીંગ મશીન ખરીદ્યુ હતું.

તે મશીનમાં ત્રણ દિવસ પછીથી અવાજ આવવાનું શરૂ થતા મિતુલ પટેલે તેની કંપનીને જાણ કર્યા પછી અવારનવાર જાણ કરી હતી અને જાણના પગલે તે મશીન રીપેર કરાતું હતું પરંતુ યોગ્ય રીતે કામ કરતું ન હતું. તેથી મિતુલ પટેલે ગ્રાહક ફોરમમાં ફરિયાદ નોંધાવી હતી.

તે ફરિયાદ ચાલી જતાં ફોરમે સેમસંગ ઈલેકટ્રોનિકસ તથા રિલાયન્સ રીટેઈલને સંયુકત અથવા વિભક્ત રીતે વોશીંગ મશીનની કિંમત રૂ।.૩૦૪૦૫ છ ટકા વ્યાજ સાથે અને માનસીક ત્રાસ અને ફરિયાદ ખર્ચ પેટે રૂ।.૮ હજાર અલગથી ચૂકવવા હુકમ કર્યાે છે. ફરિયાદી તરફથી વકીલ ભાર્ગવ મહેતા રોકાયા હતા.

જો આપને આ પોસ્ટ ગમી હોય તો શેર કરો...