Author: નોબત સમાચાર
વૈશ્વિક દબાણ વચ્ચે શેરબજારમાં ઘટાડાનો માહોલ યથાવત્...!!
તા. ૨૨-૦૭-૨૦૨૬ ના રોજ સવારે ૧૦ કલાકે...
બુધવારના રોજ ભારતીય શેરબજારમાં શરૂઆતથી જ નબળાઈ જોવા મળી હતી. વૈશ્વિક બજારોમાંથી મળેલા મિશ્ર સંકેતો, વિદેશી સંસ્થાકીય રોકાણકારોની સતત વેચવાલી, માહિતી પ્રૌદ્યોગિકી અને બેન્કિંગ શેરોમાં દબાણ તેમજ ઉપરના સ્તરે નફાવસૂલીને કારણે બજાર શરૂઆતમાં અંદાજે ૬૦૦ પોઈન્ટ સુધી દબાણમાં રહ્યું હતું. જોકે દિવસના બીજા ભાગમાં સ્થાનિક સંસ્થાકીય રોકાણકારોની ખરીદી, શોર્ટ કવરિંગ અને પસંદગીના મોટી મૂડી ધરાવતા શેરોમાં સુધારાને કારણે બજારમાં રિકવરી જોવા મળી હતી. પરિણામે દિવસના અંતે બજાર ભારે નબળાઈમાંથી બહાર આવી વધઘટભર્યા કારોબાર સાથે બંધ થયું.
આજનો દિવસ ભારતીય શેરબજાર માટે નકારાત્મકથી વધઘટભર્યો રહ્યો હતો. શરૂઆતમાં ભારે વેચવાલી જોવા મળી હતી, પરંતુ દિવસના અંતિમ ભાગમાં ખરીદદારો ફરી સક્રિય થતાં મુખ્ય સૂચકાંકોમાં નોંધપાત્ર સુધારો જોવા મળ્યો હતો. તેમ છતાં ઉપરના સ્તરે નફાવસૂલીનું દબાણ યથાવત્ રહ્યું હતું.
સેન્સેક્સમાં શરૂઆતમાં બેન્કિંગ, નાણાકીય સેવાઓ અને માહિતી પ્રૌદ્યોગિકી ક્ષેત્રના શેરોમાં ભારે દબાણ જોવા મળ્યું હતું. ત્યારબાદ દવા, વીજળી અને સંરક્ષણ ક્ષેત્રના શેરોમાં ખરીદી વધતા સૂચકાંકમાં સુધારો આવ્યો હતો. જોકે બજાર હજુ પણ ઉપરના અવરોધ સ્તરો નજીક વેચવાલીનો સામનો કરી રહ્યું છે.
નિફ્ટી વાયદા બજારમાં શરૂઆતમાં વેચવાલીનું દબાણ રહ્યું હતું, પરંતુ મહત્વના આધાર સ્તરો નજીક ખરીદદારો સક્રિય બનતાં બજારમાં શોર્ટ કવરિંગ જોવા મળ્યું હતું. જો નિફ્ટી મહત્વના આધાર સ્તરો ઉપર ટકી રહેશે તો આગામી સત્રોમાં ફરી તેજી જોવા મળી શકે છે.
સ્થાનિક સ્તરે એસઆઈપી દ્વારા સતત આવતો નાણાંપ્રવાહ, સ્થાનિક સંસ્થાકીય રોકાણકારોની ખરીદી, મજબૂત આર્થિક વૃદ્ધિ, સરકારના માળખાકીય વિકાસ ખર્ચ અને સારા કોર્પોરેટ પરિણામોની અપેક્ષા બજારને આધાર આપી રહ્યા છે. જોકે ઊંચા મૂલ્યાંકનને કારણે રોકાણકારો સાવચેત અભિગમ અપનાવી રહ્યા છે.
વૈશ્વિક પરિબળો : વૈશ્વિક બજારોમાં મિશ્ર વલણ, અમેરિકાની વ્યાજદર નીતિ અંગેની અનિશ્ચિતતા, ડોલરની મજબૂતી અને ભૂરાજકીય તણાવને કારણે રોકાણકારોની ભાવના નબળી રહી હતી. જોકે ક્રૂડ ઓઇલના સ્થિર ભાવ અને કેટલાક એશિયન બજારોમાં સુધારો ભારતીય બજાર માટે મર્યાદિત હકારાત્મક પરિબળ રહ્યા હતા.
આજે ઇન્ફોર્મેશન ટેકનોલોજી, બેન્કિંગ, ફાઇનાન્શિયલ સર્વિસિસ, મેટલ અને રિયલ્ટી સેક્ટરમાં વેચવાલીનું દબાણ જોવા મળ્યું હતું. બીજી તરફ ફાર્મા, પાવર, ડિફેન્સ, એફએમસીજી, કેપિટલ ગુડ્સ અને ઇન્ફ્રાસ્ટ્રક્ચર સેક્ટરમાં પસંદગીયુક્ત ખરીદી જોવા મળી હતી. જ્યારે ઓટો અને ઓઇલ એન્ડ ગેસ સેક્ટરમાં દિવસ દરમિયાન મિશ્ર વલણ રહ્યું હતું. કુલ મળીને રોકાણકારોએ ગુણવત્તાસભર અને ડિફેન્સિવ સેક્ટરમાં ખરીદી જાળવી રાખી હતી, જ્યારે ઊંચા મૂલ્યાંકન ધરાવતા કેટલાક સેક્ટરમાં નફાવસૂલી જોવા મળી હતી.
બજારમાં દિવસના બીજા ભાગમાં સુધારો થવા પાછળ સ્થાનિક સંસ્થાકીય રોકાણકારોની સતત ખરીદી, જીૈંઁ દ્વારા મજબૂત નાણાંપ્રવાહ, દવા, વીજળી અને સંરક્ષણ સેક્ટરમાં મજબૂતી, શોર્ટ કવરિંગ, પ્રથમ ત્રિમાસિકના સારા કોર્પોરેટ પરિણામોની અપેક્ષા તથા સ્થિર ક્રૂડ ઓઇલના ભાવ મુખ્ય કારણો રહ્યા હતા. મહત્વના આધાર સ્તરો ઉપર ખરીદદારો સક્રિય રહેતા બજારમાં રિકવરી જોવા મળી હતી.
મંદી તરફી કારણો : બજારની શરૂઆતમાં નબળાઈ પાછળ વિદેશી સંસ્થાકીય રોકાણકારોની વેચવાલી, માહિતી પ્રૌદ્યોગિકી અને બેન્કિંગ શેરોમાં દબાણ, ઉપરના સ્તરે નફાવસૂલી, વૈશ્વિક વ્યાજદર અંગેની અનિશ્ચિતતા, ડોલરની મજબૂતી, ભૂરાજકીય તણાવ અને ઊંચા મૂલ્યાંકન મુખ્ય કારણો રહ્યા હતા. કોર્પોરેટ પરિણામો પહેલાં રોકાણકારો સાવચેત હોવાથી પણ વેચવાલીનું દબાણ જોવા મળ્યું હતું.
વિદેશી સંસ્થાકીય રોકાણકારો દ્વારા પસંદગીયુક્ત વેચવાલી જોવા મળી હતી, જ્યારે સ્થાનિક સંસ્થાકીય રોકાણકારોએ સતત ખરીદી ચાલુ રાખી હતી. ડીઆઈઆઈ તરફથી મળેલા ટેકાના કારણે બજારમાં દિવસના બીજા ભાગમાં સારી રિકવરી જોવા મળી હતી.
ક્રૂડ ઓઇલના ભાવ સ્થિરથી નરમ રહેતા ભારત માટે આયાત ખર્ચમાં રાહતની સ્થિતિ યથાવત્ રહી હતી. સોનામાં સલામત રોકાણ તરીકે માંગ જોવા મળી હતી, જ્યારે ચાંદી અને ઔદ્યોગિક ધાતુઓમાં મર્યાદિત વધઘટ નોંધાઈ હતી. નીચા ક્રૂડ ભાવને કારણે ઓઇલ માર્કેટિંગ, હવાઈ પરિવહન અને રસાયણ સેક્ટરને લાભ મળવાની શક્યતા રહી હતી.
નિફ્ટી ફ્યુચર ટ્રેન્ડ : નિફ્ટી ફયુચર ૨૪૧૩૩ પોઈન્ટ : આગામી સંભવિત નિફ્ટી ૨૪૨૦૨ પોઈન્ટના પ્રથમ તેમજ ૨૪૨૭૨ પોઈન્ટના અતિ મહત્વના સ્ટ્રોંગ રેઝિસ્ટન્સથી ટ્રેડિંગ સંદર્ભે ૨૪૦૮૮ પોઈન્ટ થી ૨૪૦૦૮ પોઈન્ટ તથા ૨૩૯૭૯ પોઈન્ટ આસપાસ મહત્વપૂર્ણ સપાટીને સ્પર્શી શકે તેવી સંભાવના ધરાવે છે. નિફ્ટી ૨૩૯૭૯ પોઈન્ટ નજીક સાવધાનીપૂર્વક પોઝિશન બનાવવી જોઈએ....!!!
સ્ટોક સ્પેસિફિક ટ્રેન્ડ :
જેએસડબ્લ્યુ એનર્જી (૫૬૫) : પાવર અને રિન્યુએબલ એનર્જી સેક્ટરની આ અગ્રણી કંપનીના શેરનો ભાવ હાલમાં રૂ।.૫૪૪ આસપાસ પ્રવર્તી રહ્યો છે. રૂ।.૫૨૭ ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ।.૫૭૮ થી રૂ।.૫૯૦ આસપાસ ભાવ સપાટી નોંધાવે તેવી શક્યતા છે...!! રૂ।.૫૮૪ ઉપર તેજી તરફી ધ્યાન...!!
ઇન્ડસ ટાવર્સ (૪૦૦) : ટેકનીકલ ચાર્ટ મુજબ ટેલિકોમ ઇન્ફ્રાસ્ટ્રક્ચર સેક્ટરનો આ સ્ટોક રૂ।.૩૮૮ આસપાસ પોઝીટીવ બ્રેકઆઉટ!! રૂ।.૩૭૩ ના સપોર્ટથી આ સ્ટોક રૂ।.૪૧૭ થી રૂ।.૪૩૦ આસપાસ ભાવ સપાટી નોંધાવે તેવી સંભાવના છે...!!
કોટક મહિન્દ્રા બેંક (૩૮૨) : રૂ।.૩૬૩ નો પ્રથમ તેમજ રૂ।.૩૫૫ ના બીજા સપોર્ટથી પ્રાઈવેટ બેંકિંગ સેક્ટરનો રોકાણલક્ષી આ સ્ટોક રૂ।.૩૯૩ થી રૂ।.૪૦૪ આસપાસ ભાવ સપાટી નોંધાવે તેવી શક્યતા છે...!!
મણપ્પુરમ ફાઇનાન્સ (૩૫૧) : નોન બેંકિંગ ફાઇનાન્સિયલ સર્વિસ સેક્ટરનો આ સ્ટોક રૂ।.૩૩૦ ના સ્ટ્રોંગ સપોર્ટથી રૂ।.૩૬૩ થી રૂ।.૩૭૦ આસપાસ ભાવ સપાટી નોંધાવે તેવી સંભાવના છે...!! રૂ।.૩૮૦ ઉપર તેજી તરફી ધ્યાન...!!
ભાવિ દિશા : ભારતીય શેરબજારે નકારાત્મકથી વધઘટભર્યું કારોબાર દર્શાવ્યું હતું. શરૂઆતમાં અંદાજે ૬૦૦ પોઈન્ટ સુધીનું દબાણ જોવા મળ્યું હતું, પરંતુ સ્થાનિક ખરીદી અને શોર્ટ કવરિંગને કારણે દિવસના અંતે બજારમાં નોંધપાત્ર સુધારો નોંધાયો હતો. ટૂંકા ગાળામાં વધઘટ યથાવત્ રહી શકે છે, જ્યારે મધ્યમ અને લાંબા ગાળાના રોકાણકારો માટે ગુણવત્તાસભર શેરોમાં તબક્કાવાર રોકાણની વ્યૂહરચના યોગ્ય રહેશે.
આગામી દિવસોમાં ભારતીય શેરબજારની દિશા પ્રથમ ત્રિમાસિકના કોર્પોરેટ પરિણામો, એફઆઈઆઈ અને ડીઆઈઆઈની પ્રવૃત્તિ, વૈશ્વિક બજારોના વલણ, અમેરિકાની વ્યાજદર નીતિ અને ક્રૂડ ઓઇલના ભાવ ઉપર આધારિત રહેશે. જો મુખ્ય સૂચકાંકો મહત્વના આધાર સ્તરો ઉપર ટકી રહેશે તો બજારમાં ફરી ખરીદીનું વલણ જોવા મળી શકે છે. જોકે ઉપરના સ્તરે નફાવસૂલીને કારણે ટૂંકા ગાળામાં વધઘટ યથાવત્ રહેવાની શક્યતા છે.
અન્ય સમાચારો
