Author: નોબત સમાચાર
ઉ.કાશ્મીરમાં ઘૂસણખોરીનો પ્રયાસ કરી રહેલા બે આતંકવાદીઓને સુરક્ષાદળોએ ફૂંકી માર્યા
૫હેલગામ હુમલા પછી ઉરીમાં અથડામણ
શ્રીનગર તા. ૨૩ઃ પહલગામ હુમલા પછી સેનાએ ઉરીમાં બે આતંકીઓને ઠાર કર્યા છે અને જમ્મુ-કાશ્મીરના પહેલગામમાં થયેલા આતંકવાદી હુમલા બાદ ઉત્તરી કાશ્મીરના ઉરીમાં ઘૂસણખોરીના પ્રયાસને ભારતીય સેનાએ નિષ્ફળ બનાવ્યો છે. અથડામણમાં બે આતંકીઓ માર્યા ગયા છે. તદ્પરાંત ભારે માત્રામાં હથિયારો અને દારૃગોળો જપ્ત કરાયા છે.
જમ્મુ-કાશ્મીરના પહેલગામમાં ગઈકાલે પ્રવાસીઓ પર થયેલા આતંકવાદી હુમલાના પગલે, આજે ઉત્તરી કાશ્મીરના ઉરીમાં ભારતીય સેનાના જવાનોએ ઘૂસણખોરીના એક મોટા પ્રયાસને નિષ્ફળ બનાવ્યો છે. સેના અને આતંકવાદીઓ વચ્ચે થયેલી અથડામણમાં બે આતંકવાદીઓને ઠાર કરવામાં આવ્યા છે.
માર્યા ગયેલા આતંકવાદીઓ પાસેથી ભારે માત્રામાં હથિયારો, દારૃગોળો અને અન્ય યુદ્ધ સામગ્રી જપ્ત કરવામાં આવી છે. સેનાના જણાવ્યા અનુસાર, બુધવારે ઉત્તરી કાશ્મીરના ઉરી સેક્ટરમાં આતંકવાદીઓ ઘૂસણખોરીનો પ્રયાસ કરી રહૃાા હતા. જો કે, સેનાના સતર્ક જવાનોએ આ પ્રયાસને સફળ થવા દીધો ન હતો અને અથડામણમાં બે આતંકવાદીઓને મોતને ઘાટ ઉતાર્યા હતા.
હાલમાં વિસ્તારમાં સુરક્ષા દળો દ્વારા સર્ચ ઓપરેશન ચાલુ છે. ભારતીય સેનાએ માહિતી આપતા જણાવ્યું હતું કે બુધવારે જ જમ્મુ-કાશ્મીરના બારામુલા જિલ્લામાં નિયંત્રણ રેખા (એલઓસી) પર ઘૂસણખોરીના એક પ્રયાસને નિષ્ફળ બનાવવામાં આવ્યો હતો. ચિનાર કોર્પ્સે સોશિયલ મીડિયા પર એક પોસ્ટમાં જણાવ્યું હતું કે ૨૩ એપ્રિલ, ૨૦૨૫ ના લગભગ બે થી ત્રણ અજાણ્યા આતંકવાદીઓએ ઉરી નાલા, બારામુલા (ઉત્તરી કાશ્મીરમાં)માં સરજીવનના સામાન્ય વિસ્તારમાંથી ઘૂસણખોરી કરવાનો પ્રયાસ કર્યો હતો.
સેનાએ જણાવ્યું કે એલઓસી પર તૈનાત સતર્ક સૈનિકોએ ઘૂસણખોરોને પડકાર્યા અને તેમને રોક્યા, જેના પરિણામે ગોળીબાર થયો હતો. હાલમાં આ વિસ્તારમાં પણ ઓપરેશન ચાલુ છે. નોંધનીય છે કે આ ઘૂસણખોરીનો પ્રયાસ દક્ષિણ કાશ્મીરના અનંતનાગ જિલ્લાના પહેલગામમાં મંગળવારે થયેલા ઘાતક આતંકવાદી હુમલાના ૨૪ કલાકથી પણ ઓછા સમયમાં કરવામાં આવ્યો છે. આ ઘટનાઓએ સરહદ પર અને અંદરની સુરક્ષાની સ્થિતિને વધુ ગંભીર બનાવી દીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
