Author: નોબત સમાચાર
જામનગરમાં આકરો તાપઃ મહત્તમ ૩૯.૮ ડીગ્રી
તાપમાનનો પારો વધુ ૧.૩ ડીગ્રી ઊંચકાયોઃ
જામનગર તા. ર૩ઃ જામનગરમાં આજે સવારે પૂરા થતાં ચોવીસ કલાક દરમિયાન વધુ ૧.૩ ડીગ્રી વધીને મહત્તમ તાપમાન ૩૯.૮ ડીગ્રીએ પહોંચી ગયું હતું. તાપમાનનો પારો ૪૦ ડીગ્રી નજીક પહોંચી જતા આકરા તાપથી પ્રજાજનો આકૂળ-વ્યાકૂળ થઈ ત્રાહિમામ્ પોકારી ઊઠ્યા હતાં.
વેસ્ટર્ન ડિસ્ટર્બન્સના પગલે રાજ્યમાં તાપમાનમાં ઘટાડો થવાની આગાહી હવામાન વિભાગ દ્વારા કરવામાં આવી હતી, પરંતુ વેસ્ટર્ન ડિસ્ટર્બન્સની અસર ન થતાં તાપમાનમાં વધારો થઈ રહ્યો છે. છેલ્લા ૪૮ કલાકમાં મહત્તમ તાપમાનમાં પ.૮ ડીગ્રીનો વધારો થયો છે. છેલ્લા ચોવીસ કલાકની વાત કરીએ તો ૧.૩ ડીગ્રીના વધારા સાથે મહત્તમ તાપમાન ૩૯.૮ ડીગ્રી નોંધાયું હતું. તાપમાનનો પારો ૪૦ ડીગ્રી નજીક પહોંચી જતા સવારથી જ વાતાવરણમાં ગરમી પ્રસરવા લાગી હતી. બપોર સુધીમાં તો ગરમીએ કાળઝાળ રૃપ ધારણ કરી લીધું હતું. નભમાંથી જાણે અગનવર્ષા થઈ રહી હોય તેવો આકરો તાપ પડતા પ્રજાજનો આકૂળ-વ્યાકૂળ થઈને ત્રાહિમામ્ પોકારી ઊઠ્યા હતાં. અસહ્ય ગરમી સામે રક્ષણ મળે તે માટે લોકોએ ખાસ કરીને બપોરે કામ વગર ઘરની બહાર જવાનું ટાળ્યું હતું. આ ઉપરાંત એસી, એરકુલર તથા ઋતુગત ફળો અને ઠંડાપીણાનો સહારો લીધો હતો. સાંજથી ધીમે-ધીમે વાતાવરણમાં ઠંડક પ્રસરવા લાગતા લોકોએ રાહત અનુભવી હતી.
જામનગરમાં આજે સવારે પૂરા થતા ચોવીસ કલાક દરમિયાન કોઈ વધારા કે ઘટાડા વગર લઘુતમ તાપમાન ર૪ ડીગ્રીએ સ્થિર રહ્યું હતું. વાતાવરણમાં ભેજનું પ્રમાણ ૭૪ ટકા રહ્યું હતું. પવનની ગતિ પ્રતિકલાકની સરેરાશ ર૦ થી રપ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
