Author: નોબત સમાચાર
જામજોધપુરના સીદસરના એસટી ડ્રાઈવરના અકસ્માતનું વળતર ચૂકવવા કરાયો આદેશ
વ્યાજ તથા ખર્ચ પણ ચૂકવવા ફોરમનો હુકમઃ
જામનગર તા.૩ : જામજોધપુરના સીદસરમાં રહેતા એક એસટી ડ્રાઈવરનું બગોદરા પાસે એકાદ વર્ષ પહેલાં અકસ્માતમાં મૃત્યુ થયું હતું. તેનું વળતર ચૂકવવામાં અખાડા કરતી વીમા કંપની સામે ગ્રાહક ફોરમમાં ફરિયાદ કરાઈ હતી. ફોરમે વ્યાજ સાથે વળતર ચૂકવવા વીમા કંપનીને હુકમ કર્યાે છે.
જામજોધપુરના સીદસરમાં વસવાટ કરતા શશીકલાબેન કેતનભાઈ વઘારીયાના પતિ અને એસટી વિભાગમાં ડ્રાઈવર તરીકે ફરજ બજાવતા કેતનભાઈ દામજીભાઈનું બગોદરા પાસે અકસ્માતમાં મૃત્યુ થયું હતું.
તે પહેલાં શશીકલાબેને બજાજ ફાયનાન્સ પાસેથી લોન મેળવી હતી. જેમાં લોન ચાલુ હશે તે દરમિયાન કોઈ અકસ્માત થાય તો તમને રૂ.૬ લાખનું વળતર મળશે તેમ કહેવાતા શશીકલાબેને પતિ કેતનભાઈનો વીમો મેળવ્યો હતો અને તે પછી અકસ્માતમાં ઉપરોક્ત બનાવ બની જતાં નીવા બુપા હેલ્થ ઈન્યુરન્સ કંપનીને તેની જાણ કરી કલેઈમ કરાયો હતો. વીમા કંપનીએ વળતર ચૂકવવા ઈન્કાર કર્યાે હતો. તેથી ગ્રાહક તકરાર નિવારણ ફોરમમાં ફરિયાદ કરાઈ હતી. તે ફરિયાદ ચાલી જતાં ફોરમે ૃરૂ.૬ લાખ છ ટકાના વાર્ષિક દરે વ્યાજ ગણી ચૂકવી આપવા તથા રૂ.પ હજાર ખર્ચ પેટે આપવા વીમા કંપનીને હુકમ કર્યાે છે. ફરિયાદી તરફે વસંત ગોરી, દીપક નાનાણી, નેહલ સંચાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
