Author: નોબત સમાચાર
ખુલ્લા ફાટક નજીક રેલવે ટ્રેક પર ઉભા રહી ગયેલા અજાણ્યા યુવાનનું ટ્રેનની ઠોકરે મૃત્યુ
બાથરૂમમાંથી બેભાન મળેલા મહિલા પર કાળનો પંજોઃ
જામનગર તા.૩ : જામનગરના સિક્કામાં રહેતા એક મહિલા દસેક દિવસ પહેલા પોતાના ઘરના બાથરૂમમાંથી બેભાન હાલતમાં મળ્યા પછી મૃત્યુ પામ્યા છે. જ્યારે નગરના દિગ્જામ વુલન મીલ પાસેના ખુલ્લા ફાટક નજીક રેલવે ટ્રેક પર ટ્રેન આડે ઉભા રહી ગયેલા અજાણ્યા યુવાનનું છુંદાઈ જવાથી મૃત્યુ નિપજ્યું છે. પોલીસે બંને બનાવની નોંધ કરી તપાસ હાથ ધરી છે.
જામનગર તાલુકાના સિક્કા ગામની ટીપીએસ કોલોનીમાં રહેતા કરૂણાબા ભીખુભા કંચવા નામના ૪૩ વર્ષના મહિલા કેટલાક સમયથી એકલા રહેતા હતા. આ મહિલા ગઈ તા.૨૦ની બપોરે દોઢેક વાગ્યે બાથરૂમમાંથી બેભાન હાલતમાં મળી આવ્યા પછી સારવારમાં ખસેડવામાં આવ્યા હતા.
તેઓનું સારવાર દરમિયાન ગઈકાલે મૃત્યુ નિપજ્યું છે. જામનગરના ખોડિયાર કોલોની નજીકના સમ્રાટ અશોકનગરમાં રહેતા તેમના પુત્ર મહિપાલસિંહે પોલીસને જાણ કરી છે.
જામનગરના દિગ્જામ વુલન મીલ નજીકના બાવરી વાસ પાસે ખુલ્લા ફાટક પરથી ગઈકાલે બપોેરે બારેક વાગ્યે પસાર થતી એક ટ્રેનની આડે પાટાની વચ્ચે ચાલીસેક વર્ષની વયના એક અજાણ્યા યુવાન ઉભા રહી ગયા હતા. તેઓને ટ્રેનના એન્જીનની ઠોકર લાગતા પાટા પર ફંગોળાયા હતા. ગંભીર ઈજા પામેલા યુવાનનું મૃત્યુ નિપજ્યું છે. ચારૂ રંજન સી.એલ. પાંડેએ પોલીસને જાણ કરી છે. દોડી આવેલા સિટી સી ડિવિઝનના પીએસઆઈ એન.એમ. ઝાલાએ મૃતદેહનો કબજો સંભાળી મૃતકની ઓળખ મેળવવા તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
