Author: નોબત સમાચાર
લાયસન્સ માટે બોગસ એલસી-સિક્કા બનાવવા અંગેના કેસમાં આરોપી મુક્ત
એક શાળાના પ્રિન્સીપાલે નોંધાવી હતી ફરિયાદઃ
જામનગર તા.૪ : જામનગરના એક આસામીએ વાહન ચલાવવાનું લાયસન્સ મેળવવા માટે ધો.૮ પાસનું નકલી એલસી બનાવી ખોટા સહી-સિક્કા મારી કાગળ ઉભા કર્યાની પોલીસમાં ફરિયાદ કરાઈ હતી. તે કેસ ચાલી જતાં એફએસઅલનો રિપોર્ટ આરોપીની વિરૂદ્ધમાં આવ્યો હોવા છતાં અદાલતે બચાવપક્ષની કેટલીક દલીલો ગ્રાહ્ય રાખી આરોપીનો છૂટકારો ફરમાવ્યો છે.
જામનગરના જુમ્મા મસ્જિદ ટ્રસ્ટ સંચાલિત શાળામાં નોકરી કરતા મહેમુદખાન અનવરખાન પઠાણે પોલીસમાં જે તે વખતે ફરિયાદ નોંધાવી જણાવ્યંુ હતું કે, તેઓની શાળામાં મોઈનુદ્દીન યુસુફ ચાકી શાળા છોડ્યાનું પ્રમાણપત્ર અને આરટીઓની યાદી લઈને આવ્યા હતા.
તેઓએ પ્રમાણપત્રમાં ઈરફાન કાસમ દરજાદા લખ્યું હોય અને તેમાં પ્રિન્સીપાલ તરીકે મહેમુદખાનની સહી હોય તેની ખરાઈ કરાતા સહી નકલી હોવાનું જણાઈ આવ્યું હતું. તેથી સંસ્થાનું રેકર્ડ જોવાતા પ્રમાણપત્રમાં જે જીઆર નંબર લખેલા હતા તેમાં અન્ય વિદ્યાર્થીનું નામ જોવા મળ્યું હતું આથી મોઈનુદ્દીન ચાકીએ બોગસ પ્રમાણપત્ર બનાવી, ટ્રસ્ટના ખોટા સિક્કા મારી આરટીઓ પાસેથી લાયસન્સ મેળવવાનો પ્રયત્ન કર્યાની ફરિયાદ થઈ હતી.
ઉપરોક્ત કેસ ચાલી જતાં અદાલતે આરોપી પક્ષે દલીલ કરી હતી કે, રેકર્ડ ખોટું ઉભુ કરવાનો આ કેસ છે જેમાં જુબાનીમાં કોઈ પક્ષકારે ડોક્યુમેન્ટ કોના દ્વારા રજૂ કરાયા છે તે જણાવ્યું નથી અને આરોપી સામેનો પુરાવો રેકર્ડ પર આવતો નથી. તેમજ એફએસએલનો રિપોર્ટ કોરોબ્રેટિવ એવીડન્સ છે, તે ત્યારે જ લાગુ કરી શકાય કે મોખીક પુરાવો તેને સમર્થન આપતો હોય. અદાલતે તે દલીલ ગ્રાહ્ય રાખી આરોપી મોઈનુદ્દીન યુસુફ ચાકીનો છૂટકારો ફરમાવ્યો છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
