ઉત્તરપ્રદેશમાંથી હેન્ડગ્રેનેડના જથ્થા સાથે દબોચ્યા બે આતંકવાદીઃ સહિયારી તપાસ શરૂ

Author: નોબત સમાચાર

ઉત્તરપ્રદેશમાંથી હેન્ડગ્રેનેડના જથ્થા સાથે દબોચ્યા બે આતંકવાદીઃ સહિયારી તપાસ શરૂ

ગુજરાત એટીએસ અને હરિયાણા એસટીએફના સંયુક્ત ઓપરેશનમાં

નવી દિલ્હી તા. ૩: હરિયાણા એસ.ટી.એફ. અને ગુજરાત એટીએસને મોટી સફળતા મળી છે, અને ઉત્તરપ્રદેશથી બે આતંકવાદીને દબોચી લેવાયા છે. હેન્ડ ગ્રેનેડનો જથ્થો પણ કર્યો જપ્ત કરાયો છે.

ગુજરાત એટીએસ અને હરિયાણા એસટીએફને આતંકવાદીઓને પકડવામાં મોટી સફળતા હાથ લાગી છે. બાતમીના આધારે ફરીદાબાદથી બે આતંકવાદીઓને ઝડપી લેવામાં આવ્યા છે. હરિયાણા એસટીએફ સાથે કરવામાં આવેલા સંયુક્ત ઓપરેશનમાં બે આતંકવાદી સાથે હેન્ડ ગ્રેનેડનો જથ્થો પણ જપ્ત કરવામાં આવ્યો છે.

ગુજરાત એટીએસ દ્વારા હરિયાણા એસટીએફ સાથે સંયુક્ત ઓપરેશન હાથ ધરી ઉત્તરપ્રદેશના ફરીદાબાદમાંથી બે આતંકીઓ સાથે હેન્ડ ગ્રેનેડનો જથ્થો જપ્ત કરવામાં આવ્યો છે.

મળતી માહિતી મુજબ ગુજરાત એટીએસને ઉત્તરપ્રદેશથી બાતમી મળી હતી કે બે શંકાસ્પદ શખ્સો હેન્ડ ગ્રેનેડના જથ્થા ઉત્તરપ્રદેશ પહોંચવાના છે. બાતમીના આધારે હરિયાણા એસટીએફને સાથે રાખી રવિવારે (ર માર્ચ) મોડી રાત્રે ઓપરેશન હાથ ધરવામાં આવ્યું અને બન્નેને ઝડપી લેવાયા હતાં.

આ સમગ્ર મામલે હરિયાણા એસટીએફમાં ગુનો નોંધવામાં આવશે અને ગુજરાત એટીએસના અધિકારીઓ ત્યાં પૂછપરછ માટે જઈ શકે છે. પૂછપરછમાં અનેક મોટા ખુલાસા થઈ શકે છે. બન્ને આરોપી સાથે કોઈ અન્ય સામે છે કે કેમ? આ સિવાય આ હેન્ડ ગ્રેનેડના જથ્થા સાથે તે શું કરવા માંગતા હતાં? આ સિવાય આ આતંકીઓ કઈ સંસ્થા સાથે જોડાયેલા હતાં તે વિશે પણ તપાસ કરવામાં આવશે. હાલ બન્ને આતંકીઓ પાસેથી મળી આવેલા ડિજિટલ પુરાવાની તપાસ કરવામાં આવી રહી છે.

જો આપને આ પોસ્ટ ગમી હોય તો શેર કરો...