Author: નોબત સમાચાર
જામનગરમાં વડાપ્રધાન નરેન્દ્ર મોદીનું એરફોર્સ સ્ટેશન પર ઉષ્માભર્યું સ્વાગત કરાયું: રોડ-શો
લાલબંગલામાં રાત્રિ રોકાણઃ જનતાનું ઝીલ્યું અભિવાદનઃ વનતારાની મુલાકાત
શનિવારે સાંજે વડાપ્રધાન નરેન્દ્રભાઈ મોદીનું જામનગર એરફોર્સ સ્ટેશન પર આગમન થતાં મહાનુભાવો દ્વારા તેમનું ઉષ્માભર્યું સ્વાગત કરવામાં આવ્યું હતું. વડાપ્રધાનના સ્વાગતમાં મંત્રી રાઘવજીભાઈ પટેલ તથા મૂળુભાઈ બેરા, સાંસદ પૂનમબેન માડમ, જિલ્લા પંચાયતના પ્રમુખ શ્રીમતી મયબેન ગરસર, જામનગરના મેયર વિનોદભાઈ ખીમસૂર્યા, ધારાસભ્યો મેઘજીભાઈ ચાવડા, શ્રીમતિ રિવાબા જાડેજા, દિવ્યેશભાઈ અકબરી, ચીફ સેક્રેટરી પંકજ જોષી, ડી.જી.પી. વિકાસ સહાય, એરફોર્સના ગ્રુપ કેપ્ટન સૌરભ પારિજાત, કલેક્ટર કેતન ઠક્કર, જિલ્લા પોલીસવડા પ્રેમસુખ ડેલુ, અગ્રણીઓ રમેશભાઈ મુંગરા અને ડો. વિમલભાઈ કગથરા સહિતના મહાનુભાવો ઉપસ્થિત રહ્યા હતાં. તે પછી દિગ્જામ સર્કલથી પાયલોટ બંગલા સુધી યોજાયેલા રોડ-શો દરમિયાન વડાપ્રધાને મોટી સંખ્યામાં ઉમટેલી જનમેદનીનું અભિવાદન ઝીલ્યું હતું. લાલ બંગલા સ્થિત સર્કિટ હાઉસમાં રાત્રિ રોકાણ પછી રવિવારે સવારે તેઓએ વનતારાની મુલાકાત લીધી હતી અને ત્યાંથી તેઓ સોમનાથ જવા રવાના થયા હતાં. તેઓની મુલાકાત પહેલા સમગ્ર રૂટ પર ડોગ સ્કવોડ દ્વારા ચેકીંગ કરાયું હતું અને ચૂસ્ત બંદોબસ્ત ગોઠવાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
