ખંભાળિયાના પૌરાણિક કલ્યાણરાયજી મંદિરનો ઈતિહાસ

Author: નોબત સમાચાર

ખંભાળિયાના પૌરાણિક કલ્યાણરાયજી મંદિરનો ઈતિહાસ

ઠાકરશેરડીના ખેડૂતને સ્વપ્નમાં થયા પ્રભુ દર્શનઃ

ખંભાળિયા તા. ૩: તાજેતરમાં દ્વારકાના યાત્રાધામ હર્ષદમાં આવેલ પ્રાચીન ભીડભંજન મહાદેવના શિવલીંગ સ્વપ્નમાં આવતા ઉઠાંતરી કરી ગયાની ઘટના બની હતી, તે પછી પોલીસની જહેમતથી શિવલીંગ ફરી પાછું મળી ગયું ત્યારે સ્વપ્નમાં ભગવાનની વાતે વડીલોને ખંભાળિયાના કલ્યાણરાયજી મંદિરનો ઈતિહાસ તાજો કરવા પ્રેરાયા હતાં.

ઠાકરશેરડી ગામના ખેડૂતને સ્વપ્નમાં ભગવાન આવેલા

ખંભાળિયાની મુખ્ય બજારની પાસે આવેલા શહેરના સ્થાન દેવના ગણાતા કલ્યાણરાયજી ભગવાન જે શ્રી કૃષ્ણના કાકા થાય છે તેઓની પ્રતિમા ખંભાળિયાના ઠાકરશેરડી ગામે એક ખેડૂતના ખેતરમાં દટાયેલી કણઝારીયા પરિવારના ખેડૂતને સ્વપ્નમાં કલ્યાણરાયજીએ આવી તેઓની મૂર્તિ ખેતરમાં ચોકકસ જગ્યાએ દટાયેલી હોવાનું જણાવતા તેમણે લોકોની હાજરીમાં ખોદતા કાળા પથ્થરની કલ્યાણરાયજીની મૂર્તિ નીકળેલી અને બીજે દિવસે સ્વપ્નમાં આ ભગવાને ખેડૂતને ગાડામાં બેસાડી લઈ જવા અને જયાં તેમને સ્થાપિત થવું હશે ત્યાં ગાડું અટકી જશે તેમ જણાવેલું. પોરબંદર રોડ તરફથી વોરાવાડના રસ્તે આ ખેડૂતનું ગાડું હાલતા કલ્યાણરાયજી મંદિર પાસે આવેલું જયાં જૈનોનું દેરાસર બનતું હતું ત્યાં ગાડું અટકી ગયેલું. જૈનોને જાણ થતાં તેમણે ગાડું હટાવવા ઘણાં પ્રયત્નો કર્યા પછી ના હટતા તૈયાર થયેલું જૈન દેરાસર કલ્યાણરાયજીને અર્પણ કરી દીધું હતું.

જો આપને આ પોસ્ટ ગમી હોય તો શેર કરો...