Author: નોબત સમાચાર
જામજોધપુરના કોટડાબાવીસી પાસે બાઈક આડે ઢોર ઉતરતા પ્રૌઢનું મૃત્યુ
બાઈક સ્લીપ થતાં મૃતક ફંગોળાઈ ગયા હતાઃ
જામનગર તા.૩ : જામજોધપુરના વનાણા ગામ તરફ બાઈક પર જઈ રહેલા એક પ્રૌઢના બાઈક આડે કોટડા બાવીસી ગામ પાસે રખડતંુ ઢોર ઉતરતા બાઈક સ્લીપ થયું હતું. આ અકસ્માતમાં ઘવાયેલા પ્રૌઢનું સારવાર દરમિયાન જામનગર દવાખાને મૃત્યુ નિપજયું છે. પોલીસે અકસ્માતે મૃત્યુની નોંધ કરી છે.
જામજોધપુર તાલુકાના વનાણા ગામના મુળૂભાઈ દુદાભાઈ બેરા નામના પચ્ચાસ વર્ષના પ્રૌઢ ગઈ તા.૨૩ની સવારે સાડા પાંચેક વાગ્યે મોટર સાયકલ પર જામજોધપુરથી પોતાના ઘેર તરફ જતા હતા ત્યારે કોટડાબાવીસી ગામ પાસે તેમના બાઈક આડે એક રખડતું ઢોર ઉતર્યું હતું.
તેની સાથે અકસ્માત ટાળવા જવાના પ્રયાસમાં બાઈક સ્લીપ થતાં મુળૂભાઈ ફંગોળાયા હતા. રોડ પર પછડાયેલા આ પ્રૌઢને માથામાં ગંભીર ઈજા થઈ હતી. સારવાર માટે દવાખાને લઈ જવાયેલા મુળૂભાઈને વધુ સારવાર માટે જામનગરની જી.જી. હોસ્પિટલ લઈ જવાયા હતા. જ્યાં તેમનું ગઈકાલે મૃત્યુ નિપજ્યું છે. તેમના પત્ની રૂડીબેનનું નિવેદન નોંધી પોલીસે અકસ્માતે મૃત્યુ અંગે નોંધ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
