જામનગરમાં છેલ્લા ૪૮ કલાકમાં તાપમાન ર.પ ડીગ્રી ઊંચકાયું: મહત્તમ ૩ર.પ ડીગ્રી

Author: નોબત સમાચાર

જામનગરમાં છેલ્લા ૪૮ કલાકમાં તાપમાન ર.પ ડીગ્રી ઊંચકાયું: મહત્તમ ૩ર.પ ડીગ્રી

વાતાવરણમાં ભેજનું પ્રમાણ ૯૬ ટકાઃ

જામનગર તા. ૩: જામનગરમાં છેલ્લા ૪૮ કલાકમાં મહત્તમ તાપમાનનો પારો અઢી ડીગ્રી ઊંચકાયને ૩ર.પ ડીગ્રીએ પહોંચી ગયો હતો, જેના પગલે ગરમીમાં વધારો થયો હતો. છેલ્લા ચોવીસ કલાકમાં વાતાવરણમાં ભેજનું પ્રમાણ ૯૬ ટકા રહ્યું હતું.

જામનગરમાં ફરી એક વખત તાપમાનમાં વધારો થવાનો પ્રારંભ થયો છે. છેલ્લા ૪૮ કલાકમાં મહત્તમ તાપમાનનો પારો અઢી ડીગ્રી સુધી ઊંચકાયને ૩ર.પ ડીગ્રીએ પહોંચી ગયો હતો, અને છેલ્લા ચોવીસ કલાકમાં ૧ ડીગ્રીના વધારા સાથે લઘુતમ તાપમાન ૧૯ ડીગ્રી નોંધાયું હતું. તાપમાનમાં થયેલા વધારાના પગલે બપોરે વધારે ગરમી અનુભવાઈ હતી.

નગરમાં હાલ ઋતુ પરિવર્તન થઈ રહ્યું છે. શિયાળાની વિદાય વચ્ચે ઉનાળાનું ધીમે-ધીમે આગમન થઈ રહ્યું છે. ઋતુઓના આ સંક્રાતિકાળ વચ્ચે બેવડી ઋતુની અનુભૂતિ થઈ રહી છે. જેની વિપરિત અસર લોકોના સ્વાસ્થ્ય પર પડી રહી છે. હોસ્પિટલો તથા દવાખાનાઓમાં શરદી, ઉધરસ, તાવ, પેટમાં દુઃખ સહિતના કેસો વધારે નોંધાઈ રહ્યા છે.

નગરમાં આજે સવારે પૂરા થતાં ચોવીસ કલાક દરમિયાન ૭ ટકા વધીને વાતાવરણમાં ભેજનું પ્રમાણ ૯૬ ટકાએ પહોંચી જતા વહેલી સવારે ઝાકળવર્ષા થઈ હતી. પવનની ગતિ ઘટીને પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી.

જો આપને આ પોસ્ટ ગમી હોય તો શેર કરો...