Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
તાપણું કરીને બેસેલા યુવકને પાડોશીએ માર માર્યાે:
જામનગર તા. ૨૫: જામનગરના દિગ્વિજય પ્લોટ વિસ્તારમાં તાપણું કરીને બેસેલા યુવાન પર પાડોશીએ ધોકાથી હુમલો કર્યાે હતો. વચ્ચે પડનાર યુવાનના માતાને પણ માર મારવામાં આવ્યો હતો. હાથઉછીના આપેલા પૈસા પરત માંગતા વૃદ્ધને ફડાકા ઝીંકવામાં આવ્યા છે. જ્યારે ભણગોરની સીમમાં એક મહિલા પર જેઠ તથા તેના પુત્રએ હુમલો કરતા આ મહિલાના હાથનું કાંડુ ભાંગી ગયું છે.
જામનગરના દિગ્વિજય પ્લોટ વિસ્તારની શેરી નં.૪૯માં કામળીયાવાસમાં રહેતા રતનબેન નાનજીભાઈ વાઘેલા નામના મહિલાના પુત્ર પરસોત્તમ તથા હરીશ તથા ભાણેજ અજય શનિવારે રાત્રે પોતાના ઘરની બહાર ડેલી પાસે તાપણું કરીને બેઠા હતા. ત્યારે ત્યાં ધોકા સાથે ધસી આવેલા રાજેશ હરીશભાઈ ચૌહાણ નામના શખ્સે પરસોત્તમ પર હુમલો કરી માર માર્યાે હતો. પુત્રને બચાવવા વચ્ચે પડેલા રતનબેનને પણ માથામાં ધોકો ફટકારવામાં આવ્યો હતો અને લાતો મારી રાજેશે જાનથી મારી નાખવાની ધમકી આપી હતી. સિટી એ ડિવિઝનમાં તેની ફરિયાદ કરાઈ છે.
જામનગરના કડિયાવાડમાં રહેતા કિશોરભાઈ બળવંતરાય વસાણીએ સરદારનગરવાળા અજીત જયંતીભાઈ ચૌહાણ પાસે રૂ.૧૦ હજાર લેવાના બાકી હતા. હાથઉછીની આપેલી તે રકમ સોમવારે બપોરે બેડી નાકા પાસે મળી ગયેલા અજીત પાસે માંગવામાં આવતા કિશોરભાઈને ગાળો ભાંડી અજીતે ફડાકા ઝીંક્યા હતા. કાનમાંથી લોહી નીકળવા માંડતા આ વૃદ્ધને દવાખાને ખસેડાયા છે. જ્યાંથી તેઓએ પોલીસમાં ફરિયાદ નોંધાવી છે.
દેવભૂમિ દ્વારકા જિલ્લાના ભાણવડ તાલુકાના જોગરા ગામના અમરીબેન કરશનભાઈ પીંડારીયા નામના મહિલા રવિવારે સવારે ભાથું આપવા માટે પોતાના ખેતર તરફ જતા હતા ત્યારે લાલપુરના ભણગોર ગામના સીમ વિસ્તારમાં આવેલા ચેકડેમ નજીક તેમના જેઠનો દીકરો શ્યામ ધરણાંત પીંડારીયા ભેંસ ચરાવતો હતો. તેને ભેંસો રસ્તામાં દૂર રાખવાનું કહેતા ઉશ્કેરાયેલા શ્યામ તથા તેના પિતા ધરણાંત વીરાભાઈ પીંડારીયાએ અગાઉની માથાકૂટ નો ખાર રાખી હુમલો કર્યાે હતો. શ્યામે ધોકો ફટકારતા અમરીબેનના હાથનું કાંડુ ભાંગી ગયું છે અને જેઠ ધરણાંતે ગાળો ભાંડી ધમકી આપતા લાલપુર પોલીસ સ્ટેશનમાં અમરીબેને ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial