Author: નોબત સમાચાર
કલ્યાણપુરના રાણમાં ખેડૂત પર પિતા, પુત્ર તથા અજાણ્યા શખ્સે કર્યાે હલ્લો
જામનગર તા.રપ : કલ્યાણપુરના રાણ ગામના એક ખેડૂતે પોતાના ખેતરના શેઢેથી કુંવરપાઠુ કાપવા બાબતે પૂછતા પિતા-પુત્ર તથા એક અજાણ્યા શખ્સે હુમલો કર્યાની ફરિયાદ કરી છે. સામાપક્ષે અગાઉનો પોલીસ કેસ પાછો ખેંચી લેવાનું કહી હુમલો કરાયાની ફરિયાદ નોંધાવી છે.
દેવભૂમિ દ્વારકા જિલ્લાના કલ્યાણપુર તાલુકાના રાણ ગામના પ્રવીણભાઈ કુરજીભાઈ નકુમે પોતાના ખેતરના શેઢે આવેલી વાડમાંથી કુંવરપાઠુ કોણ કાપે છે તેમ રાજા પુંજા વાઘેલાને પૂછતા અગાઉના મનદુખના કારણે રાજા પુંજા તથા તેના પુત્ર સામત અને એક અજાણ્યા શખ્સે ગાળો ભાંડી ધોકાથી હુમલો કરી માર મારવા ઉપરાંત ધમકી આપી હતી.
તે ફરિયાદની સામે રાજા પુંજાભાઈ વાઘેલાએ વળતી ફરિયાદ નોંધાવી છે. જેમાં તેણે જણાવ્યા મુજબ સોમવારે બપોરે રસ્તામાં રોકી પ્રવીણ કુરજી નકુમે અગાઉ કરેલો કેસ પાછો ખેંચી લેવાનું કહી ગાળો ભાંડ્યા પછી ઢીકાપાટુથી માર માર્યાે હતો અને તેઓને જ્ઞાતિ પ્રત્યે હડધૂત કર્યા હતા. પોલીસે બંને ફરિયાદ રજીસ્ટરે લઈ ચારેય આરોપીઓની ધરપકડ માટે ચક્રો ગતિમાન કર્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
