Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
૫૮૪ ઓર્ડર થયા, તેમાંથી ૩૪૫ને છુટ્ટા કરી તેમના વતનમાં નિયુકત કરાયા
ખંભાળિયા તા. ૨૫: દેવભૂમિ દ્વારકા જિલ્લામાં પ્રાથમિક શિક્ષકોની સામૂહિક વતનમાં જિલ્લાફેર બદલીઓ થતાં ગઈકાલે જિલ્લા શિક્ષણ અધિકારી મધુબેન ભટ્ટની અધ્યક્ષતામાં બદલી થયેલી શિક્ષકોને જિલ્લામાંથી છુટ્ટા કરવાની કાર્યવાહી થઈ હતી. જેમાં ઓર્ડર થયેલા ૫૮૪ શિક્ષકોમાંથી ૩૪૫ શિક્ષકોને તેમના વતનમાં જવા મુકત કરાયા હતાં.
રાજયના શિક્ષણ વિભાગ દ્વારા ઓનલાઈન જિલ્લા ફેર બદલીના આદેશ અન્વયે લાંબા સમય પછી શિક્ષકોને માંગણી મુજબ વતનમાં બદલી થતાં શિક્ષકોએ મીઠા મોં કરાવીને એકબીજાને શુભેચ્છા પાઠવી હતી.
જિલ્લા શિક્ષણાધિકારી મધુબેન ભટ્ટે તમામ ૩૪૫ શિક્ષકોને જિ. શિ. કચેરીએથી જ છુટ્ટા કર્યા હતા. શાળાએ ગયા વગર જ તથા માંગણીની બદલી થયેલ હોય કોઈ સંજોગોમાં હુકમ રદ નહીં થાય તથા તા. ૧૮-૧૨-૨૪ના અહીંથી છુટ્ટા થઈ તે સંબંધિત જિલ્લા શિક્ષણાધિકારીની કચેરીએ તૂરત જ હાજર થવાનું તથા જિલ્લા ફેર બદલી માટે જો શિક્ષક દ્વારા બનાવટી આધાર પુરાવા કે અન્ય કોઈ બનાવટી બાંહેધરી આપી હશે તો પોલીસ ફરિયાદ તથા ગુજરાત મુલુકી સેવાના નિયમો અનુસાર કાર્યવાહી કરવાનું પણ બદલી હુકમમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial