Author: નોબત સમાચાર
જામનગરમાં આવેલી ત્રણ મિલકતના વીલ સામે કરાયેલી અપીલ રદ્દ ઠરાવાઈ
વીલ સાબિત થઈ રહ્યું છેઃ અદાલતઃ
જામનગર તા.૨૫ : જામનગરમાં આવેલી ત્રણ મિલકત અંગે કરાયેલા વીલના પ્રોેબેટના દાવામાં વાંધા અરજી કરાઈ હતી. તે અરજી રદ્દ કરાતા અપીલ કરાઈ હતી. તે અપીલ પણ જિલ્લા અદાલતે રદ્દ કરી છે.
જામનગરના ભોઈવાડામાં રહેણાંકની જગ્યા અને કેવી રોડ પર બે દુકાન અંગે ગોકલદાસ ડાયાભાઈએ વીલ બનાવ્યું હતું. તે વીલનું પ્રોબેટ મેળવવા તેમના પુત્ર જયંતિદાસે કોર્ટમાં દાવો કર્યાે હતો.
તેની સામે મોહનલાલ ગોકલદાસે વાંધો લઈ દલીલ કરી હતી કે, વીલ બનાવતી વેળાએ ગોકલદાસની માનસિક હાલત સારી ન હતી. તેથી આ વીલ શંકાસ્પદ છે. તે ઉપરાંત રહેણાંકની જગ્યા ગોકલદાસના પત્ની લક્ષ્મીબેનના નામથી ખરીદાઈ છે. તેથી તે મિલકતનું વીલ ગોકલદાસ ન કરી શકે.
દાવામાં વીલના સાક્ષી જેઠાભાઈ ચૌહાણ, પ્રભુલાલની જુબાની લેવાઈ હતી. તે પછી અદાલતે વાદીનો દાવો મંજૂર કર્યાે હતો. તે હુકમ સામે મોહનલાલે જિલ્લા અદાલતમાં અપીલ કરી હતી. જેમાં અદાલતે ઠરાવ્યું છે કે, વીલમાં બે સાક્ષીની સહી સાબિત થઈ છે અને ત્રીજા સાક્ષીના ઈન્કાર છતાં વીલ સાબિત થઈ રહ્યું છે. તેથી અપીલ રદ્દ કરવામાં આવી છે. જયંતિલાલ ગોકલદાસ તરફથી વકીલ અનિલ કોઠારી, રવિન્દ્ર વાઘેલા, વિશાલ વાઘેલા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
