Author: નોબત સમાચાર
ગેરકાયદે શેરબજારનો ડબ્બો ચલાવતા બે શખ્સનો અદાલતે ફરમાવ્યો છૂટકારો
એલસીબીએ દરોડો પાડી રજીસ્ટર કરાવ્યો હતો ગુન્હોઃ
જામનગર તા.રપ : જામનગરમાં થોડા સમય પહેલાં એલસીબીએ એક દુકાનમાં દરોડો પાડી શેરબજાર તથા અન્ય કોમોડિટી ટ્રાન્ઝેક્શન કરતા બે શખ્સને પકડી પાડી ગેરકાયદે ડબ્બો ચલાવવાનો ગુન્હો નોંધ્યો હતો. તે કેસ ચાલી જતાં બંને આરોપીનો અદાલતે છૂટકારો ફરમાવ્યો છે.
જામનગરમાં મંજૂરી વગર જ સિક્યુરિટીઝ શેરબજારનો અને સોના-ચાંદી, કોપર, ક્રુડ, ઝીંક, નિકલના ભાવ પર સોદા કરાતા હોવાની બાતમી પરથી જે તે વખતે એલસીબીએ દરોડો પાડી ગેરકાયદેસર ડબ્બો ચલાવતા રજનીક પટેલ, નિરવ તાલપરા નામના શખ્સોને પકડી પાડ્યા હતા. આ શખ્સો ગ્રાહકોના ટૂંકા નામવાળા કોડવર્ડ સાથેના હિસાબો, કોમ્પ્યુટર, રોકડ રકમ સાથે મળી આવતા બંને સામે ગેરકાયદેસર રીતે શેરબજારનો ડબ્બો ચલાવવાનો ગુન્હો નોંધાયો હતો. તે કેસ ચાલવા પર આવતા સરકાર પક્ષે દલીલ કરી હતી કે, આ શખ્સો જે રીતે ટ્રાન્ઝેક્શન કરતા હતા તેનાથી સરકારને, શેરબજારને નુકસાની થાય છે તેની સામે બચાવપક્ષે દલીલ કરી હતી કે આ પ્રકારનો કોન્ટ્રાક્ટ સેબી સાથે થયો છે કે કેમ? તેનો પુરાવો રજૂ થયો નથી. તે ઉપરાંત સેબીના કોઈ નિવેદન, હુકમ કે પત્ર અંગે કોઈ કાર્યવાહી થઈ નથી.
અદાલતે બંને પક્ષની દલીલો સાંભળ્યા પછી આરોપી રજનીક પટેલ, નિરવ તાલપરાનો છૂટકારો ફરમાવ્યો છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
