Advertisement
Author: નોબત સમાચાર

રામેશ્વરનગરના ગાયત્રીનગરમાં ગાળો ભાંડી ધમકી આપ્યાની કરાઈ ફરિયાદ

એક શખ્સ સામે પોલીસે નોંધ્યા બે ગુન્હાઃ

જામનગર તા. ૨૫: જામનગરના રામેશ્વરનગર પાછળ આવેલા ગાયત્રીનગરમાં ત્રણ સપ્તાહ પૂર્વે અને બે દિવસ પહેલાં એક શખ્સે બે પાડોશીને ગાળો ભાંડી જાનથી મારી નાખવાની ધમકી આપ્યાની પોલીસમાં બે ફરિયાદ કરાઈ છે. આ શખ્સ તેના વિસ્તારમાં અવારનવાર ત્રાસ આપતો હોવાની કેફિયત ફરિયાદમાં વર્ણવાઈછે.

જામનગરના રામેશ્વરનગર વિસ્તારમાં આવેલી કે.પી. શાહ વાડી નજીક ગાયત્રીનગરની શેરી નં.૩માં રહેતા સચિન શૈલેષભાઈ પંચોલી નામના યુવાનને ગઈ તા.૨૯ની સાંજે તેના ઘર પાસે યુવરાજસિંહ સહદેવસિંહ જાડેજા ઉર્ફે પુરીયા નામના શખ્સે રોકી લીધો હતો.

આ શખ્સે તને બૂમ પાડુ એટલે ઉભુ રહી જવાનું તેમ કહી શેરીમાં રહેવું છે કે નહીં તેમ કહી ગાળો ભાંડી જાનથી મારી નાખવાની ધમકી આપી હતી. સિટી બી ડિવિઝનમાં સચિન પંચોલીએ ફરિયાદ કરી છે.

તે ફરિયાદ ઉપરાંત ગાયત્રીનગરની શેરી નં.૩માં જ રહેતા સત્યપાલસિંહ વિજયભાઈ ચૌહાણ નામના વિદ્યાર્થીને ગયા રવિવારે રાત્રે રોકી યુવરાજસિંહ જાડેજાએ તારા મામાના દીકરાને ઘરની બહાર બોલાવ તેમ કહી ગાળો ભાંડવાનું શરૂ કર્યું હતું. આ વેળાએ પાડોશમાં રહેતા જીતેન્દ્રસિંહ આવ્યા હતા. તેણે પુરીયાને ઘરમાં મોકલી આપ્યો હતો. તે પછી સત્યપાલ તથા  અર્જુનસિંહ, છત્રપાલસિંહ ઘર પાસે ઉભા હતા ત્યારે ફરીથી આવેલા પુરીયાએ ગાળો બોલવાનું શરૂ કર્યું હતું અને ધમકી આપી હતી. આ રીતે અવારનવાર તે વિસ્તારમાં ત્રાસ અપાતો હોવાથી સત્યપાલે સિટી બી ડિવિઝનમાં ફરિયાદ નોંધાવી છે. પોલીસે પુરીયા ઉર્ફે યુવરાજસિંહ સામે બંને ગુન્હા નોંધી તેની ધરપકડ માટે તજવીજ હાથ ધરી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh