Author: નોબત સમાચાર
રાજસ્થાનથી ગુજરાત તરફ આવતી કારને બસે ફંગોળતા પાંચના મોતઃ ચીસાચીસ મચી
મંદિરે દર્શન કરીને પરત આવતા કાળ ભેટી ગયોઃ
જયપુર તા. રપઃ રાજસ્થાનમાં મંદિરે દૃશન પછી ગુજરાત આવતી કારને બસે ફંગોળી નાંખતા પાંચના દર્દનાક મોત થયા છે.
રાજસ્થાનના કરૌલીથી એક દુઃખદ સમાચાર સામે આવ્યા છે. અહીં મોડી રાત્રે એક કાર અને બસ વચ્ચે ભયંકર ટક્કર થતા આખો પરિવાર મોતને ભેટી ગયો. મૃતકોમાં સામેલ બધા ગુજરાતના છે અને તેઓ રાજસ્થાનમાં કૈલા દેવી મંદિરના દર્શને નીકળ્યા હતાં. મળતી માહિતી અનુસાર બસ અને કાર વચચેની ટક્કર એટલી ભીષણ હતી કે કારનું કચ્ચરઘાણ વળી ગયું હતું. આ દુર્ઘટના પછી ઘટનાસ્થળે ચીસાચીસ મચી ગઈ હતી.
ઘટનાની જાણકારી મળતા જ પોલીસ કાફલો પણ દોડી આવ્યો હતો. સ્થાનિકોની મદદથી પીડિતોને તાત્કાલિક હોસ્પિટલ પહોંચાડ્યા હતાં, જ્યારે મૃતદેહોને પોસ્ટમોર્ટમ માટે મોકલી દેવામાં આવ્યા હતાં. આ મામલે કરૌલી જિલ્લા હોસ્પિટલના ચીફ મેડિકલ ઓફિસર રમેશ મીણાએ કહ્યું કે તમામ મૃતકો એક જ પરિવારના છે. તેઓ તમામ કૈલા દેવી મંદિરે દર્શન કરવા આવ્યા હતાં અને ઘરે પરત ફરી રહ્યા હતાં.
આ સાથે બસમાં સવાર અન્ય ૧પ ને પણ ગંભીર ઈજાઓ થઈ છે. જેમની હાલ સારવાર ચાલી રહી છે. આ દુર્ઘટના પછી કારના ટૂકડા થઈ ગયા હતાં. મૃતકોમાં સામેલ લોકો ઈન્દોરના વતની હતાં, પણ હાલમાં આ પરિવાર ગુજરાતના વડોદરામાં સ્થાયી થયો હતો. જેમાં નયન કુમાર દેશમુખ, પત્ની અનીતા, દીકરો ખુશદેવ, દીકરી મનસ્વી અને સંબંધી પ્રીતિ ભટ્ટ તરીકે થઈ છે. આ બધા લોકોની ઓળખ તેમના આધાર કાર્ડના આધારે જાહેર કરાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
