કાનાનગરમાં મકાનમાંથી ઈંગ્લીશ દારૂની ૧૭૪ બોટલ ઝબ્બેઃ આરોપીએ ત્રણના નામ આપ્યા

Author: નોબત સમાચાર

કાનાનગરમાં મકાનમાંથી ઈંગ્લીશ દારૂની ૧૭૪ બોટલ ઝબ્બેઃ આરોપીએ ત્રણના નામ આપ્યા

વેચાણના જથ્થાના બે ભાગીદાર તથા સપ્લાયરનું નામ ખૂલ્યું:

જામનગર તા. ૨૫: જામનગરના દિગ્વિજય પ્લોટમાં આવેલા કાનાનગર સ્થિત એક મકાનમાંથી પોલીસે ઈંગ્લીશ દારૂની ૧૭૪ બોટલ સાથે એક શખ્સની ધરપકડ કરી છે. તેણે વેચવા માટે પોતાની સાથે રહી જથ્થો મંગાવનાર બે શખ્સ, સપ્લાયરનું નામ પોલીસને આપ્યું છે. બેડીમાંથી ચપલા સાથે એક શખ્સ ઝડપાયો છે.

જામનગરના દિગ્વિજય પ્લોટ વિસ્તારની શેરી નં.પ૮માં આવેલા કાનાનગરની શેરી નં.૧માં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી પરથી ગઈરાત્રે સિટી એ ડિવિઝનના પીઆઈ એન.એ. ચાવડાની સૂચનાથી પીએસઆઈ એમ.એન. રાઠોડ તથા સ્ટાફે ત્યાં આવેલા મહેન્દ્ર કરશનભાઈ માવ ઉર્ફે મસાલી નામના શખ્સના મકાનમાં દરોડો પાડી તલાશી લીધી હતી.

તે મકાનમાંથી ભારતીય બનાવટના અંગ્રેજી શરાબની જુદી જુદી બ્રાંડની ૧૭૪ બોટલ મળી આવી હતી. રૂ.૮૭ હજારની બોટલ કબજે કરી પોલીસે મહેન્દ્ર માવની ધરપકડ કરી છે. આ શખ્સે પોતાના સાગરિત દીપક ખીચડા ઉર્ફે દીપુ સરગમ તથા લાખા ગઢવી, પ્રેમ ઉર્ફે કાનો બારૂતોના નામ આપ્યા છે. દારૂનો જથ્થો મહેન્દ્ર, દીપક તથા પ્રેમે વેચવા માટે મંગાવ્યો હતો અને લાખા ગઢવીએ તે જથ્થો મોકલાવ્યો હતો. પોલીસે ત્રણેય શખ્સના સગડ દબાવ્યા છે.

જામનગરના બેડી વિસ્તાર માંથી ગઈકાલે અકબર અનવર ભોકલ નામના શખ્સને દારૂના ચપલા સાથે પકડી પાડવામાં આવ્યો છે.

જો આપને આ પોસ્ટ ગમી હોય તો શેર કરો...